فیروز کوہ( افغانستان) : افغانستان کے مغربی صوبہ غور میں پیر کو ماضی کی جنگوں کی باقیات میں شامل ایک بارودی سرنگ پھٹنے سے ایک بچہ ہلاک اور دو دیگر زخمی ہو گئے۔ صوبائی انتظامیہ کے ترجمان مولوی عبدالواحد حماس نے بتایا کہ صوبہ غور کے صدر مقام فیروز کوہ شہر کے پونبہ غلمین علاقے میں ایک کھیل کے میدان میں کھیل رہے بچوں کے ایک گروپ کو ایک کھلونا نما شے ملی اور وہ اس سے کھیلنے لگے۔ لیکن وہ گیند کی شکل والی شے اچانک دھماکے سے پھٹ گئی جس سے ایک بچہ موقع پر ہی ہلاک اور دو دیگر زخمی ہو گئے۔حماس نے مزید کہا کہ زخمی بچوں کو طبی امداد کے لیے قریبی ہسپتال لے جایا گیا ہے۔
دو ہفتے قبل اسی قسسم کی ایک اردات میں جو افغانستان کے مشرقی صوبے وردک میں ہوئی، تین بچے ہلاک اور ایک زخمی ہوا۔ گذشتہ ماہ بغلان صوبے میں کوئلے کی کانوں میں دھماکے سے چار کان کن دم گھٹنے سے ہلاک ہو گئے تھے۔ 23 مئی کو افغانستان کے صوبہ بغلان کے تلے برفک اور جلگاہ اضلاع میں گیس کے دو الگ الگ دھماکوں کے نتیجے میں کوئلے کی کان میں کام کرنے والے چار مزدور ہلاک ہو گئے۔بغلان میں طالبان کی بارودی سرنگوں کے سربراہ عبداللہ حامد نے دونوں واقعات کی تصدیق کی۔انہوں نے کہا کہ پہلے واقعہ میں ناذمیر اور عبدالنصیر نامی دو بھائی طالع برفاک کے علاقے میں واقع گاو¿ں پیشتے مرق میں کوئلے کی کان میں کام کے دوران دم گھٹنے سے ہلاک ہو گئے۔دوسری واردات میں جو جلگاہ ضلع کے شاہکول چنارک کے علاقے میں ہوئی، باپ بیٹا ہلاک ہو گئے ان کی شناخت شیر اور دوست محمد کے طور پر کی گئی۔
تصویر سوشل میڈیا