نئی دہلی: بالی ووڈ اداکار سلمان خان کی فلم ’ کبھی عید کبھی دیوالی‘کی اداکارہ پوجا ہیگڑے کا کہنا ہے کہ سپر اسٹار اداکاروں میں سے ایک سلمان خان کے ساتھ کام کرنے کے لیے میں بہت بے چین ہوں اور اس وقت کا شدت سے انتظار کر رہی ہوں جب میں اس بڑے فنکار کے ساتھ اداکاری کروں گی۔
اپنی بے پناہ خوشی اورجوش کا اظہار کرتے ہوئے اداکارہ پوجا ہیگڑے نے سماجی رابطے کی ویب سائٹ ٹوئٹر پر اپنے اکاؤنٹ سے ایک ٹوئٹ کر لکھا’ سال 2020کی بہت شاندار آغاز ہے اور میں آپ سب کے ساتھ یہ خبر اشتراک کرنے کےلئے مری جا رہی ہوں۔۔۔۔۔ میڈیا رپورٹ کے مطابق فلم میں پوجا ہیگڑے اداکار سلمان خان کی محبوبہ کے طور پر نظر آئیں گی۔
دوسری جانب فلم کے پروڈیوسر اور اسکرپٹ رائٹر ساجد ناڈیا والا نے کہا ’ پوجا ہیگڑے کے ساتھ فلم ’ ہاؤس فل 4‘ میں کام کرنے کے بعد ہمیں محسوس ہوا کہ وہ اس فلم کے لئے بالکل موزوں ہیں، پردے پر ان کا ظہور بہت اچھا ہے اور سلمان خان کے ساتھ انکی جوڑی کافی اچھی رہے گی ، وہ دونوں کہانی میں تازگی لائیں گے۔
خیال رہے کہ فلم ’ کبھی عید کبھی دیوالی‘سال 2021میں عید کے موقع پر سنیما گھروںمیں پیش کی جائے گی۔
(فوٹوز انسٹاگرام)
