اسلام آباد:پشتون تحفظ موومنٹ(پی ٹی ایم)کے رہنما اور انسانی حقوق کے کارکن اویس ابدال کی غیر قانونی گرفتاری کے بعد ساتھی کارکنوں نے ان کی رہائی کے لئے پاکستان حکومت سے مطالبہ کیا ہے۔ ابدال کو گذشتہ ماہ چمن سے گرفتار کیا گیا تھا اور اس وقت اسے نامعلوم مقام پر حراست میں رکھا ہے۔
پی ٹی ایم رہنما محسن داوڑ نے ان کی غیر قانونی طور پر نظربندی کی مذمت کرتے ہوئے کہا کہ اویس ابدال ‘جنگ اور جبر کا شکار’ ہیں۔محسن داوڑنے ٹویٹ کیا۔اویس ابدال جنگ اور جبر کا شکار ہیں۔ ان کا غصہ پشتونوں کی طرف سے محسوس ہونے والی انتہائی مایوسی اور ناامیدی پرظاہرکیا گیا رد عمل ہے۔ 7 اے ٹی پر ان کے الفاظ پر ردعمل ظاہر کرنے کے بجائے ، حکومت کو اس بات پر توجہ دینی چاہئے کہ آخر اسے کیا ضرورت پڑی کہ ایسا ردعمل ظاہر کرنا پڑا۔یہ معاملہ اس وقت روشنی میں آیا جب گذشتہ ماہ ہزاروں افراد نے چمن میں پشتون تحفظ موومنٹ کے جلسے میں افغانستان میں جنگ کے خاتمے کا مطالبہ کیا تھا اور پاکستان میں غیر قانونی قتل وغارت گری کے خاتمے کو یقینی بنانے کا مطالبہ کیا تھا۔
داوڑ کے جذبات کی غمازی کرتے ہوئے خود بیان کردہ سماجی کارکن مصطفی کمال کاکڑ نے اویس کی رہائی کا مطالبہ کرتے ہوئے پاکستان کے ایجنسیوں کو اپنے آئینی حق کی خلاف ورزی کا ذمہ دار ٹھہرایا۔مصطفی نے کہا ، “پی ٹی ایم اور انسانی حقوق کے کارکن اویس ابدال کو اپنی تقریر کی بنیاد پرا سے گرفتار کرنا اور اسے نامعلوم مقام پر منتقل کرنا آزادی اظہار کے آئینی حق کی خلاف ورزی سمجھا جاتا ہے۔ ایجنسیوں اور ریاست کا یہ ایک سنگین جرم ہے ،”۔پاکستان میں لاپتہ ہونے کی ایک طویل تاریخ ہے جن میں سے بہت سے افراد جیسے انسانی حقوق اور اقلیت کے محافظوں کو نشانہ بنایا گیا ہے جو حکومت اور فوج کو تنقید کا نشانہ بناتے ہیں ، اور ساتھ ہی ایسے دیگر افراد کو بھی جن پر حزب اختلاف میں ملوث ہونے کا شبہ ظاہر کر کے نشانہ بنایا جاتا ہے۔
سکیورٹی ایجنسیوں کی جانب سے پاکستان کی اقلیتی برادری سے تعلق رکھنے والے سیاسی کارکنوں ، دانشوروں ، خواتین اور بچوں کی ایک بڑی تعداد لاپتہ ہونے کا نشانہ بنی ہے۔کچھ دن قبل ایک بلوچ پروفیسر لیاقت ثانی کو یونیورسٹی کے 2دیگر اساتذہ کے ہمراہ بلوچستان کے ضلع خضدارکے سفر کے دوران انہیں بندوق کی دھار پر اغوا کر لیا گیا۔ڈان کے مطابق2 دیگر پروفیسرز: پروفیسر شبیر شاہوانی اور پروفیسر نظام شاہوانی کو بعد میں کوئٹہ – تفتان شاہراہ پر واقع کنک کے علاقے میں دریافت کیا گیا۔ تاہم لیاقت ثانی کا ابھی تک کوئی سراغ نہیں مل سکا ہے۔
انسانی حقوق کی کارکن گلالئی اسماعیل نے کہا کہ انہوں نے لیاقت ثانی کے اغوا کی شدید مذمت کی ہے۔ انہوں نے ٹویٹ کیا ”میں مستونگ سے ڈاکٹر لیاقت سنی کے اغوا کی ، جو یونیورسٹی آف بلوچستان کے ایک پروفیسر اور ایک مشہور شاعر ہیں، شدید مذمت کرتی ہوں۔
