ہردوئی: اترپردیش کے ضلع ہردوئی کے شاہ آباد کوتوالی علاقے میں ہوئے شدید سڑک حادثہ میں3افراد ہلاک اور 5 زخمی ہوگئے۔ یہ سبھی لوگ شادی کی تقریب سے واپس لوٹ رہے تھے۔ یہ اطلاع یہاں پولیس کے ذرائع نے دی ہے۔

انہوں نے بتایا کہ شاہجہان پور ضلع کے کٹرا بازار سہما پور کے رہنے والے آٹھ افراد لکھنؤ کے ملیح آباد شادی کی تقریب میں شرکت کے لئے آئے تھے۔ شادی کے بعد پیر کی رات تقریباً 12 بجے یہ لوگ شاہجہاں پور واپس جارہے تھے۔ اسی دوران شاہ آباد کوتوالی علاقے کے ہردوئی –

شاہجہاں پور روڈ پر ادھرنپور گاو¿ں کے نزدیک ایک تیز رفتار کارسڑک کے کنارے کھڑے ٹرک سے جا ٹکرائی۔ ٹکر اتنی زبردست تھی کہ کار کے پرخچے اڑگئے اور تین افراد کی موقع پر ہی موت ہوگئی جبکہ پانچ افراد زخمی ہوگئے۔ ہلاک شدگان میں کار ڈرائیور بھی شامل ہے۔

انہوں نے بتایا کہ اطلاع ملنے پر پولیس موقع پر پہنچی اور کار میں پھنسے زخمی آشیش ، دنیش ، شیوم آکاش اور چھوٹے لال کو باہر نکالا اور اسپتال منتقل کر دیا۔ ہلاک شدگان کی شناخت 25سالہ دیوندر ولد رامیشور دیال، 33سالہ سنیل کمار ولد صوبیدار اور50سالہ اکھلیش ولد منوہر لال ساکن کٹرا کے طور پر کی گئی ہے۔جبکہ زخمیوں میں اشیشی،دنیش ،شوم، آکاش اور چھوٹے لال شامل ہیں۔