دمکا: جھارکھنڈ کے دمکا میں حیوانیت کا ننگا رقص کرتے ہوئے ایک35سالہ خاتون کی اس کے شوہر کے سامنے 17افراد نے اجتماعی عصمت دری کی۔

اطلاعات کے مطابق منگل کی رات ایک 5 بچوں کی ماں شوہر کے ساتھ ہفتہ واری بازار سے گھر لوٹ رہی تھی تبھی اچانک کچھ درندوں نے خاتون کے شوہر کو یرغمال بنایا اور پھر اس کی اجتماعی عصمت دری کی۔ معاملہ میں پولیس نے متاثرہ کا بیان بھی درج کر لیا ہے۔

وہیں، بیان کی بنیاد پر بدھ کو پولیس نے اصل ملزم رام موہلی سمیت 17 لوگوں پر ایف آئی آر درج کر کے جانچ بھی شروع کر دی ہے۔اجتماعی عصمت دری متاثرہ کے شوہر نے معاملہ کی جانکاری دیتے ہوئے بتایا کہ گاؤں میں ہر منگل کو بازار لگتا ہے جہاں وہ اپنی بیوی کے ساتھ گیا تھا۔ بازار کے بعد جب وہ گھر لوٹ رہا تھا تبھی راستے میں تقریبا 17 لڑکے کھڑے ہوئے تھے۔

شوہر نے بتایا کہ سبھی شراب کے نشے میںدھت تھے۔ اس نے بتایا کہ ان لڑکوں میں سے پانچ نے اسے اور دو لڑکوں نے اس کی بیوی کو پکڑ لیا۔ جس کے بعد وہ لڑکے کی بیوی کو اٹھا کر جھاڑیوں میں لے گئے جہاں سبھی نے باری باری سے بیوی کے ساتھ دیر رات 12 بجے تک اجتماعی عصمت دری کی۔

وہیں، واقعہ کے بارے میں کسی کو اطلاع نہ دینے کی دھمکی دے کر سبھی لڑکے جائے حادثہ سے فرار ہو گئے۔ معاملے میں پولیس نے بتایا ہے کہ جانچ چل رہی ہے۔ اس کے علاوہ ایک ملزم کو گرفتار کر کے پوچھ گچھ کی جا رہی ہے ۔