کولمبو:ہندوستانی ہاؤسنگ پروجیکٹ کے تحت گرانٹ پر والہندھووا اسٹیٹ میں 50 مکانات کی تعمیر کا سنگ بنیاد ہندوستانی ہائی کمشنر گوپال بگلے ، اسٹیٹ ہاؤسنگ اور کمیونٹی انفراسٹرکچر کے وزیر مملکت جیون تھونامان اور شجر کاری کے وزیر ڈاکٹر رمیش پتیھرانا نے 15 فروری کو مشترکہ طور پر رکھا۔ہائی کمشنر گوپال باگلے نے خصوصی ویڈیو پیغام کے ذریعے خطاب کیا۔
انہوں نے سامعین و ناظرین کو بتایا کہ ہندوستان اپنی صلاحیت کی حدود میں رہتے ہوئے اس مشکل وقت کے دوران سری لنکا کی حمایت جاری رکھے گا۔انہوں نے کہا کہ حکومت ہندمجموعی طور پر سری لنکا کی سماجی و معاشی ترقی کے لئے پرعزم ہے۔
ہائی کمشنر نے کہا کہ ہندوستانی وزیر اعظم نریندر مودی کے گئے وعدے کے مطابق شجرکاری کے علاقے کے لئے 10000 مکانات کی تعمیرکا منصوبہ رواں سال میں شروع ہو جائے گا۔ پروجیکٹ جلد ہی مرحوم وزیر اروومگام تھونڈمن کے ویژن کی مناسبت سے تعاون کی نئی شکلوں پر شروع ہوگا۔
انڈین ہاؤسنگ پروجیکٹ سری لنکا میں 270 ملین امریکی ڈالر کی گرانٹ سے 50000 مکانات تعمیر کرنے کے لئے ہندوستان کے پرچم بردار انڈین ہا ؤسنگ پروجیکٹ کا ایک حصہ ہے۔ جن میں سے وسطی ، یووا ، سبراگامووا اور جنوبی صوبوں میں 4000 مکانات تعمیر کئے جائیں گے۔یہ 50 دو بیڈروم مکانات مکان کے تحت تعمیر کئے جائیں گے۔
یہ پروجیکٹ ریاستی وزیر کے ساتھ اسٹیٹ انفراسٹرکچر اور کمیونٹی انفراسٹرکچرکیساتھ صلاح و مشورے کے بعد نافذ کیا جائے گا۔سری لنکا کے لئے بھارت کی ترقیاتی امداد کی مجموعی وابستگی 3.5 بلین امریکی ڈالر ہے اور اس میں 560 ملین امریکی ڈالر گرانٹ کے تحت ہیں۔ہندوستان کے قونصل جنرل ، ہمبنٹوٹا ڈپین پی آر نے اس تقریب میں ہندوستانی ہائی کمیشن کی نمائندگی کی۔
اس موقعے پر پارلیمنٹیرین رمیشوران ، سینتھل تھونڈمن ، آفس آف نیشنل یونٹی اینڈ ریسیسی لینشن( قومی اتحاد و مفاہمت) کے ممبران موجود تھے۔
