پیرس: (اے یو ایس ) فرانس کے جنوب میں دو جنگی رافیل طیارے ایک فوجی ٹریننگ کے دوران نچلی پرواز کرتے ہوئے بجلی کی تاروں سے جا ٹکرائے جس سے ایک گاو¿ں کی بجلی منقطع ہو گئی۔یہ واقعہ گذشتہ روز پہر کو مینسک کے قریب واقع گاؤں لوکاستولے میں پیش آیا۔

اطلاعات کے مطابق یہ دونوں رافیل طیارے وہاں ایک قریبی ایئربیس سے اڑے تھے اور ان کا مقصد کم اونچائی پر پرواز کی تربیت کرنا تھا۔اس واقعے کی تحقیقات کا آغاز کر دیا گیا ہے۔اس گاو¿ں کے میئر نے فرانس کے ایک خبر رساں ادارے کو بتایا کہ یہ طیارے انتی کم اونچائی پر پرواز کر رہے تھے کہ ’ان کی آواز نے ہی ایک خوفناک سماں پیدا کر دیا اور جب میں نے مڑ کر دیکھا تو اوپر ایک اور طیارہ بھی موجود تھا۔‘میئر بنواں گواں اس وقت اپنی کار چلا رہے تھے۔

ان کا کہنا ہے کہ یہ طیارے اتنی کم اونچائی پر تھے کہ ’میں نے اپنے آپ سے کہا: یہ تو بجلی کی تاروں کے نیچے سے گزر گیا‘۔اس کے بعد جب میئر مزید آگے بڑھے تو دیکھا بجلی کی تاریں لٹکی ہوئی تھیں۔ ان کے مطابق ایک طیارہ ان تاروں سے ٹکرایا جس سے یہ کٹ گئیں، جس کے بعد انھوں نے فوری طور پر ایمرجنسی سروسز اور بجلی فراہم کرنے والی کمپنی ’ایندس‘ کی ٹیم کو فون کر کے اس واقعے کی اطلاع دی۔

ایک مقامی اخبار کے مطابق بجلی کی تاریں گرنے سے آگ لگ گئی جس پر جلد ہی قابو پا لیا گیا۔چند گھنٹوں تک گاو¿ں بجلی سے محروم رہا اور سکیورٹی کی وجہ سے اس گاو¿ں کی رابطہ سڑک کو بھی بند کر دیا گیا۔اس واقعے میں کوئی ہلاکت نہیں ہوئی۔ فرانس کی فضائیہ کے ایک ترجمان نے پروانس اخبار کو بتایا کہ اس طیارے کے پائلٹ نے اورینج ایئربیس پر مقامی وقت کے مطابق دو بجکر 11 منٹ پر بحفاظت لینڈنگ کر لی تھی۔ انھوں نے اپنی نوعیت کے اس منفرد واقعے پر دکھ کا اظہار بھی کیا۔