واضح ہوکہ وزیر اعظم نریندر مودی نے منگل کے روز دونوں ممالک کے مابین دوستی کے پل کا افتتاح کیا ، جس سے ہندوستان اور بنگلہ دیش کے مابین تعلقات مزید قریبی ہو گئے ہیں۔ یہ پل ہندوستان اور بنگلہ دیش کی ریاست تری پورہ کے درمیان بہتے ہوئے دریائے فینی کے اوپر تعمیر کیا گیا ہے۔

اس پل کے ذریعے حکومت کی توجہ بنگلہ دیش کے چٹگونگ کو راستہ دے کر تریپورہ کو شمال مشرقی ریاستوں کا گیٹ وے بنانا ہے۔ یہ پل تریپورہ کے سب روم کو بنگلہ دیش کے رام گڑھ سے جوڑ دے گا۔یہ پل 1.9کلومیٹر طویل ہے او 133کروڑ روپے کی لاگت سے تیار ہوا ہے۔

وزیر اعظم کے ہاتھوں اس میتری پل کا افتتاح ان کے دورہ بنگلہ دیش سے 15روز قبل ہوا ہے۔ واضح ہو کہ وزیر اعظم مودی بنگلہ دیش کی آزادی کی گولڈن جوبلی اور دونوں ملکوں کے درمیان سفارتی تعلقات کی تقریبات میں شرکت کے لیے 26مارچ کو بنگلہ دیش جائیں گے۔

بنگلہ دیش کی وزیر اعظم شخ حسینہ نے ایک ویڈیو پیغام میں کہا کہ یہ پل شمال مشرقی ہندوستان کے لیے ایک تجارتی لکیر حیات ہے۔کیونکہ اس سے اگرتلہ اور چاٹوگرام بندرگاہ کے درمیان کی دوری میں کم از کم100کلومیٹر کمی آجائے گی۔