مکہ مکرمہ:(اے یو ایس ) الحرمین الشریفین کے انتظامی امور کے ذمہ دار ادارے کے سربراہ ڈاکٹر عبدالرحمان السدیس نے ‘ماہ صیام برائے سال 1442ھ’ کے لیے مسجد نبوی میں نماز ترویح کی بحالی کی خاطر ‘مسجد نبوی پریذی ڈینسی ایجنسی’ کا پلان منظور کیا ہے۔
مسجد نبوی میں نماز تراویح کے پروگرام کی منظوری کے موقعے پر الشیخ عبدالرحمان السدیس نے کرونا وبا کے خلاف احتیاطی تدابیر پرسختی کے ساتھ عمل پیرا ہونے کی ضرورت پر زور دیا تاکہ مسجد نبوی میں عبادت ، نماز اور زائرین کی آمدو رفت کو بحال کیا جا سکے اور وبا کو شکست دینے کی کامیابیوں سے ثمرات سے حقیقی معنوں میں فائدہ اٹھایا جاسکے۔ماہ صیام کے لیے مسجد نبوی میں عبادت کے خصوصی پلان میں رمضان معلوماتی پروگرام، خصوصیات ، پیشرفت ، پروگرام ، اہداف ، متبادل ، ہنگامی صورتحال اور رمضان کے مہینے اور عید الفطر تک کرائسز سیل کا قیام بھی شامل ہے۔
مسجد نبوی میں نماز تراویح اور رمضان کے پروگرامات کو موجودہ کرونا وبائی صورت حال اور محکمہ صحت کی وضع کردہ ہدایات کی روشنی میں ترتیب دیا گیا ہے۔ مسجد میں زائرین کی نقل وحرکت، مجمع، با جماعت نمازوں کے طریقہ کارکو تفصیل سے بیان کیا گیا ہے۔افطار و اعتکاف کے حوالے سے وضع کیے گئے منصوبوں کا اعلان بعد میں کیا جائے گا۔کرونا وبا کے پیش نظر سماجی دوری برقرار رکھنے کے لیے مسجد نبوی ﷺ ماہ صیام میں مجموعی طور پر ایک وقت میں 60 ہزار نمازیوں کو مسجد نبویﷺ میں نماز کی ادائیگی کی اجازت ہوگی۔
خیال رہے کہ کرونا وبا سے قبل مسجد نبویﷺمیں ایک ہی وقت میں تین لاکھ 50 ہزار افراد کو با جماعت نماز کی ادائیگی کی اجازت تھی اور مغربی حصے میں 96 ہزار افراد با جماعت نماز ادا کرتے تھے۔منصوبہ کے مطابق ریاض الجنة کا حصہ صرف ائما، مسجد کے ملازمین اور جنازے کے شرکاءکے ہلیے مخصوص رہے گا۔
