نئی دہی، پٹنہ:بہار اسپیشل آرمڈ پولیس بل2021 پر بحث کے دوران منگل کے روز بہار قانون ساز اسمبلی میں کافی ہنگامہ ہوا۔ اس دوران اپوزیشن کی مرکزی جماعت آر جے ڈی سمیت دیگر اپوزیشن جماعتوں کے اراکین اسمبلی کے ساتھ ایوان کے اندر بھی پولیس کی ہنگامہ آرائی ہوئی۔

کانگریس کے سابق صدر راہل گاندھی نے واقعے کی مذمت کرتے ہوئے وزیر اعلی نتیش کمار پر حملہ کیا ہے۔ انہوں نے کہا ہے کہ اس واقعے سے یہ بات واضح ہے کہ وزیر اعلی آر ایس ایس کے زیر اثر آچکے ہیں۔راہل گاندھی نے ٹویٹ کیا ، “بہار قانون ساز اسمبلی کے شرمناک واقعہ سے یہ بات واضح ہے کہ وزیر اعلی مکمل طور پر آر ایس ایس / بی جے پی کے زیر اثر آچکے ہیں.جمہوریت کو پامال کرنے والوں کو حکومت کہلانے کا کوئی حق نہیں ہے.اپوزیشن اب بھی عوامی مفاد میں آواز اٹھائے رکھے گی ہم خوفزدہ نہیں ہیں۔بہار اسمبلی میں اپوزیشن لیڈر تیجسوی یادو نے نتیش حکومت کو پانچ سال تک اسمبلی کا بائیکاٹ کرنے کی وارننگ دی ہے۔

بدھ کو بہار اسمبلی انتخابات میں ایوان کی کارروائی سے متوازی اراکین اسمبلی کے ساتھ بیٹھے تیجسوی یادو نے اسمبلی احاطے میں ہوئی مارپیٹ اور لاٹھی چارج کے حادثہ کی نہ صرف مذمت کی بلکہ کھلے طور پر نتیش کمار کو وارننگ دی۔ ساتھ ہی کہا کہ اسمبلی میں جو کچھ ہوا، اس کے لئے وزیر اعلیٰ نتیش کمار کو معافی مانگنی چاہئے،اسمبلی میں اپنے اراکین اسمبلی کے ساتھ کالی پٹی باندھ کر پہنچے تیجسوی یادو نے کہا کہ نتیش کمار سی گریڈ پارٹی کے لیڈر ہیں۔ اسمبلی میں اخلاقیات کو تار تار کرتے ہوئے ہمارے اراکین اسمبلی کو گندی گندی گالیاں دی گئیں۔

تیجسوی نے کہا کہ ایوان میں ہمارے سوال پر نتیش کمار کچھ نہیں بولتے ہیں۔ نتیش جی کو کوئی خود سے علم نہیں ہے، لیکن وہ مجھے نصیحت دیتے ہیں۔