نئی دہلی:(اے یو ا یس) ڈائریکٹوریٹ جنرل آف سول ایوی ایشن کے ذریعہ یکم اپریل سے گھریلو اور بین الاقوامی دونوں پروازوں کے لیے ائیرپورٹ سیکیورٹی فیس میں باقاعدہ اضافہ کر دیے جانے سے اب ہوائی جہاز کے ذریعے سفر کرنا مزید مہنگا ہو گیا۔ دراصل۔ ہوائی اڈے کی سیکیورٹی فیس کے لئے گھریلو مسافروں سے 200 روپے وصول کیے جائیں گے۔ وہیں بین الاقوامی مسافروں کو 12 ڈالر ادا کرنا ہوں گے۔ یہ نئی شرح یکم اپریل سے نافذ ہوں گی۔ یکم اپریل سے ائیرپورٹ سیکیورٹی فیس فی میں اضافے کی وجہ سے آپ کے ہوائی ٹکٹ مہنگے ہوسکتے ہیں۔
یہ فیس ہر مسافر سے وصول کی جاتی ہے لیکن کچھ مسافروں کو اس میں چھوٹ دی جاتی ہے۔ اس میں 2 سال سے کم عمر کے بچے ، ڈپلومیٹک پاسپورٹ ہولڈرس ، آن ڈیوٹی ایئر لائن کے عملے کے ممبر شامل ہیں۔گھریلو ہوائی سفر کے لئے مسافروں پر 40 روپے تک کا کرایہ بڑھا دیا گیا ہے۔ اسی کے ساتھ ہی ،بین الاقوامی مسافروں کو 114.38 روپے ادا کرنے ہوں گے۔حال ہی میں مرکزی حکومت نے گھریلو پروازوں کے کرایے کی کم سے کم حد کو 5 فیصدبڑھانے کا فیصلہ کیا تھا۔ اب یکم اپریل سے ،ہوائی مسافروں کو ایک اور جھٹکا لگنے والا ہے۔
دراصل اب ایوی ایشن سکیورٹی فیس یعنی اے ایس ایف (میں بھی اضافہ ہونے جا رہا ہے۔گھریلو مسافروں کو 160 روپے کی جگہ ایوی ایشن سیکیورٹی فیس کے لئے 200 روپے ادا کرنا ہوں گے ۔یکم اپریل سے ،گھریلو پروازوں کے لئے ایوی ایشن سیکیورٹی فیس 200 روپے دینی ہوگی۔ فی الحال یہ 160 روپیہ ہے۔ بین الاقوامی پروازوں کے بارے میں بات کریں تو ان کیلئے فیس 5.2 سے بڑھ کر 12 ڈالر تک بڑھ جائے گی۔ یہ نئی شرح یکم اپریل 2021 سے جاری ہونے والے ٹکٹوں پر نافذ ہوگی۔اس سے پہلے حکومت نے یکم ستمبر 2020 سے گھریلو اور بین الاقوامی مسافروں سے زیادہ اے ایس ایف جمع کرنے کا فیصلہ کیا تھا۔
اس وقت ،گھریلو پروازوں کے لئے اے ایس ایف 150 روپے کے بجائے 160 روپے کا ہو گیا تھا۔ بین الاقوامی پروازوں کے لئے یہ رقم 85 4.85 کے بجائے 5.2 ڈالر ہو گئی تھی۔ اس سے پہلے یکم جولائی 2019 سے گھریلو پروازوں کے لئے ایوی ایشن سیکیورٹی فیس کو 130 روپے سے بڑھا کر 150 روپے کردیا گیا تھا جبکہ بین الاقوامی پروازوں کے لئے یہ رقم 3.25 ڈالر کی بجائے 85 4.85 کردی گئی تھی۔حالانکہ کچھ مسافروں کو ایوی ایشن سیکیورٹی فیس ے چھوٹ دی گئی ہے۔ ان میں 2 سال سے کم عمر کے بچے ، ڈپلومیتک پاسپورٹ رکھنے والے اور ڈیوٹی ایئر لائن کا عملہ شامل ہیں۔ اس کے علاوہ ایک ہی ٹکٹ کے ذریعے پہلی پرواز کے 24 گھنٹوں کے اندر دوسری کنیکٹنگ فلائٹ لینے والے ٹرانزٹ مسافروں کو چھوٹ دی گئی ہے۔
