نئی دہلی: ہندوستان میں عالمی وبا کورونا وائرس (کووڈ۔19) بحران کے دوران ملک بھر میں لاک ڈاو¿ن کے بارے میں مرکز کا کہنا ہے کہ آپشن پر تبادلہ خیال کیا جارہا ہے۔ کیا حکومت ملک بھر میں کووڈ۔19 کیسوں میں اضافہ کی وجہ سے قومی لاک ڈاؤن نافذ کرے گی؟ مرکزی وزارت صحت نے دنیا کے بدترین وائرس پھیلنے سے بچنے کے لئے لاک ڈاؤن کے امکانات خارج نہیں کیے ہیں ۔ بدھ کے روز پریس بریفنگ میں نیتی آیوگ کے رکن وی کے پال نے کہا کہ ملک گیر لاک ڈاؤن کا آپشن زیر بحث ہے۔
وی کے پال قومی کووڈ۔19 ٹاسک فورس کے سربراہ بھی ہیں۔ایسے وقت میں جب ماہرین اور سیاسی رہنماؤں نے وزیر اعظم کو مشورہ دیا ہے کہ وہ ہندوستان میں کوویڈ۔19 کی تباہ کن دوسری لہر سے نمٹنے کے لئے ایک قومی لاک ڈاؤن نافذ کریں۔ اس وقت نیتی آیوگ کے رکن نے کہا کہ ریاستوں کو پہلے ہی مقامی نائٹ کرفیو اور اضلاع میں پابندیاں عائد کرنے کی ہدایت کی گئی ہے۔ 10 فیصد سے زیادہ آزمائشی پوزیٹیٹیٹی ریٹ اور آ ئی سی یو بیڈز پر 60 فیصد سے زیادہ اضافہ ہوا ہے۔وی کے پال نے کہا کہ ”پابندیوں کی اس حد کے علاوہ اگر مزید کسی چیز کی بھی ضرورت ہو تو ان اختیارات پر ہمیشہ تبادلہ خیال کیا جاتا ہے اور جن فیصلوں کی ، ضرورت ہوتی ہے۔ اس پر عمل آواری ہوگی۔“
کورونا کی دوسری لہر کے درمیان وزارت صحت نے بتایا ہے کہ مہاراشٹر ، اترپردیش اور دہلی ،راجستھان کے بعد اب کچھ دیگر ریاستوں میں بھی معاملات بڑھ رہے ہیں۔ ایڈیشنل سکریٹری ہیلتھ آرتی اہوجا نے بتایا کہ کرناٹک ، کیرالہ ، آندھرا پردیش ، مغربی بنگال ، بہار ، ہریانہ ، اوڈیشہ اور اتراکھنڈ میں اب نئے معاملات کی تعداد میں اضافہ ہورہا ہے۔انہوں نے بتایا کہ کچھ دیگر ریاستیں جہاں نئے معاملات بڑھ رہے ہیں وہ پنجاب ، جموں و کشمیر، آسام ، ہماچل پردیش اور ناگالینڈ ہیں۔اسی کے پیش نظر کرناٹک میں ریاستی سرکار نے مکمل لاک ڈاون کا اعلان کردیا ہے۔ کرناٹک کے وزیر اعلی بی ایس یدی یورپا نے اس کا اعلان کرتے ہوئے کہا کہ 10 سے 24 مئی تک ریاست میں مکمل لاک ڈاون رہے گا۔
