ریاض: حکومت سعودی عرب کے ایک اعلانیہ کے مطابق اس سال 60ہزار غیر ملکی حاجیوں کو فریضہ حج کی ادائیگی کی اجازت ہوگی۔ سعودی گزٹ کے مطابق مذہبی زیارت 2021 میں سب کے لئے کھلی ہوگی لیکن کوویڈ 19 کو مدنظر رکھتے ہوئے حفاظتی قواعد و ضوابط و احتیاطی تدابیر اختیار کرنے کی ضرورت ہوگی۔
مذہبی ہم آہنگی کمیٹی میں وزیر اعظم کے خصوصی نمائندے مولانا طاہر اشرفی نے، جو عالمی سطح پر تسلیم شدہ مسلمان عالم دین اور پاکستان میں آل پاکستان علما کونسل کے سربراہ، رابطہ عالم اسلامی ، مکہ کی سپریم کونسل کے رکن ہیں اور وفاق المساجد پاکستان کے صدر کے طور پر خدمات انجام دیتے ہیں ہفتہ اواخر میں کہا تھا کہ سعودی عرب اس سال پوری دنیا سے 60 ہزار افراد کو حج ادا کرنے کی اجازت دے گا اور اس سال کورونا وائرس وبا کے پیش نظر 18سال سے کم اور 60 سال سے زیادہ عمر کے لوگوں کو حج کی اجازت نہیں ہوگی۔ گزشتہ سال بھی کورونا وائرس وبا کی وجہ سے باقاعدہ طور پر سفر حج نہیں ہو سکا تھا۔ صرف 1000 عازمین کو اجازت دی گئی تھی۔
سفر حج کو لیکر گزشتہ سال دسمبر میں ایک رپورٹ میں بتایا گیا تھا کہ کورونا وبا کے سبب اس بار کا سفر حج مہنگا ہوگا۔ بتادیں کہ ہر مسلمان پر اقتصادی حالات بہتر ہونے پر حج کرنا فرض ہے۔واضح ہو کہ طاہر اشرفی اسلامی دنیا کے امور داخلہ اور امور کے لیے صدر پاکستان کے سابق مشیر بھی رہے۔
