کینبرا:(اے یو ایس ) آسٹریلیا کے دارالحکومت کینبرا میں کورونا وائرس کے باعث 15 اکتوبر تک لاک ڈؤن میں توسیع کی گئی ہے۔خبر رساں ادارے ‘اے ایف پی’ کے مطابق کینبرا کے چیف منسٹر اینڈریو بار کا کہنا ہے کہ حکام ویکسی نیشن کے عمل کو تیز کرتے ہوئے کورونا کے پھیلاؤ کو محدود کرنا چاہتے ہیں۔

انہوں نے صحافیوں سے گفتگو کرتے ہوئے کہا کہ یہی ایک محفوظ راستہ ہے جو کرسمس کے تہوار، گرمیوں کی چھٹیوں اور 2022 کو محفوظ تر بنائے گا۔یاد رہے کہ کینبرا کے شہری 12 اگست سے گھروں میں رہنے پر مجبور ہیں۔آسٹریلیا میں کورونا وائرس سے اب تک 75 ہزار سے زائد افراد متاثر ہو چکے ہیں جب کہ وائرس سے مجموعی طور پر ایک ہزار 100 ہلاکتیں ہو چکی ہیں۔