Afghan residents complain price hike of fuel in Kabul

کابل : افغانستان پر طالبان کے قبضے کے بعد سے کابل میں ایندھن کی بڑھتی ہوئی قیمتوں کی وجہ سے مقامی باشندوں کو مسائل کا سامنا ہے۔مقامی باشندوں نے ٹولو نیوز کو بتایا کہ پچھلے ہفتے کے دوران گیس 15 افغان کرنسی فی کلوگرام اور تیل 4افغان کرنسی فی لٹر تک بڑھ گیا ہے۔

مقامی باشندوں نے حکام سے ایندھن کی قیمتوں کو کنٹرول کرنے کی اپیل کی ہے۔انہوں نے بتایا کہ اس وقت کابل میں ایک کلو گیس کی قیمت 75افغانی کرنسی ہے۔ کابل کے رہائشی عبدالقیوم نے ٹولو نیوز کو بتایا کہ جو شخص روزانہ کام کرکے تھوڑا بہت کماتا ہے ، وہ ایک کلو گیس کیسے خرید سکتا ہے۔ کوئی کام نہیں ہے اور قیمتیں بڑھ رہی ہیں۔

میر واعظ نام کے ایک دکاندار نے بتایا کہ ہم 65 افغانی کرنسی میں فی کلو گیس خرید رہے ہیں اور اسے 75 افغانی کرنسی میں فروخت کر رہے ہیں۔ دریں اثنا ڈرائیور بھی تیل کی قیمت میں اضافے کی شکایت کر رہے ہیں۔ ایک ٹیکسی ڈرائیور عبدالہادی نے بتایا کہ 520 لٹر تیل 320 سے 330 افغانستانی کرنسی میں خریدنا پڑتا ہے۔ انہوں نے کہا کہ مالی حالت اچھی نہیں ہے۔شہری زیادہ ادائیگی کے مسئلے کا سامنا کر رہے ہیں اور حکومت پر زور دے رہے ہیں کہ وہ کمپنیوں اور ایندھن درآمد کنندگان کی من مانی بند کرے۔