Six Sudanese soldiers killed in Ethiopian attack

خرطوم :(اے یو ایس ) سوڈانی فوج نے انکشاف کیا ہے کہ اس نے مشرقی سرحدوں پر ایتھوپیا کی افواج اور امہرا ملیشیا کی طرف سے ہفتہ کے روز کیا گیا حملہ پسپا کر دیا۔

ایک سینیر عسکری ذرائع نے مقامی سوڈان ٹریبیون ویب سائٹ کو بتایا کہ سوڈانی فوج نے برکات نورین کے مشرق میں 17 کلومیٹر میں ملاکاوا کی بستی میں سوڈانی سرزمین پر ایتھوپیا کی افواج اور امہرا ملیشیا کی دراندازی کا جواب دیا۔

اس کارروائی میں کہ 6 سوڈانی فوجی مارے گئے۔اس نے بتایا کہ بھاری ہتھیاروں سےہونے والی جھڑپیں دوپہر تک جاری رہیں۔ذرائع نے بتایا کہ ایتھوپیا کی نئی دراندازی کا مقصد امہرا کے بڑے کسانوں کی مدد کرنا ہے جو سوڈانی کے اندر لگ بھگ 10 ہزار ایکڑ زمین کی کٹائی پر کا کام کر رہے ہیں، اور دوسرا ٹیگرائے لبریشن فرنٹ ایتھوپیا کےخلاف بحر دار کے علاقے میں پیش قدمی کے لیے راستہ ہموار کرنا ہے۔

قابل ذکر ہے کہ سوڈانی فوج نے نومبر 2020 میں فشقہ کبریٰ اور فشقہ صغریٰ کی بیشتر اراضی کی آزادی کے بعد سے وقتاً فوقتاً ایتھوپیا کی افواج اور ان کی حمایت کرنے والی ملیشیاو¿ں کے حملوں کو پسپا کیا ہے۔