Grenade attack on police post in J-K's Ramban district, Jammu Kashmir Ghaznavi Force claim responsibility

سرینگر:(اے یوایس) جموں و کشمیر کے ضلع رامبن میں ایک پولیس چوکی کے قریب دھماکہ ہوا۔ دھماکے کے بعد پولیس نے الرٹ جاری کر دیا ہے۔ ہائی وے سے ملحقہ تمام پوسٹوں کے جوانوں کو چوکس رہنے کو کہا گیا ہے۔ کہا جا رہا ہے کہ یہ دستی بم دھماکہ ہے۔ جموں زون کے اے ڈی جی پی مکیش سنگھ کے مطابق انہیں ایک خط ملا ہے جس میں دعویٰ کیا گیا ہے کہ یہ دھماکہ جموں کشمیر غزنوی فورس (جے کے جی ایف) نے کیا ہے۔ فی الحال ایس او جی اور فوج کی ٹیمیں سرچ آپریشن کر رہی ہیں۔

بابا امرناتھ کا سفر رامبن سے ہو کر گزرتی ہے۔ خبر رساں ایجنسی اے این آئی کے مطابق یہ دھماکہ ضلع رامبن کے گول علاقے میں ہوا۔ یہاں ایک پولیس چوکی کی بیرونی دیوار ہے۔ دھماکے سے ہونے والے نقصان کی فی الحال اس کی کوئی اطلاع نہیں دی گئی ہے۔ سیکورٹی ایجنسیوں کو شبہ ہے کہ دہشت گرد امرناتھ یاترا پر جانے والے یاتریوں کو نشانہ بنانے کی کوشش کر سکتے ہیں۔

واضح رہے کہ پچھلے مہینے سیکورٹی فورسز نے جموں و کشمیر کے رامبن ضلع میں دہشت گردوں کے ایک مشتبہ ٹھکانے کا پردہ فاش کرتے ہوئے گولہ بارود اور دھماکہ خیز مواد برآمد کیا تھا۔ راشٹریہ رائفلز اور پولیس نے بانہال میں بزلہ کھاری علاقے کے اونچائی والے علاقوں میں مشترکہ تلاشی آپریشن شروع کیا جس کے نتیجے میں اس ٹھکانے کا پتہ چلا تھا۔