US, France will support Ukraine for as long as it takes - joint statement

واشنگٹن:(اے یو ایس) امریکی صدر جو بائیڈن اور فرانسیسی صدر میکرون نے ایک مشترکہ بیان میں اعلان کیا ہے کہ امریکہ اور فرانس “جب تک ضروری ہو” یوکرین کی حمایت جاری رکھیں گے۔جمعرات کو جاری کردہ بیان میں کہا گیا ہے کہ امریکی اور فرانسیسی صدور یوکرین کے لیے اپنے ممالک کی مسلسل حمایت کا اعادہ کرتے ہیں اور خاص طور پر جب تک ضروری سمجھیں یوکرین کو سیاسی، سلامتی، انسانی اور اقتصادی مدد فراہم کرتے رہیں گے۔بائیڈن اور میکرون نے ایرانی مظاہرین کی بھی ستائش کی اور کہا یہ مظاہرین اڑھائی ماہ سے زیادہ عرصہ سے ایرانی حکومت کے خلاف سڑکوں پر احتجاج ریکارڈ کرا رہے ہیں۔وائٹ ہاو¿س کی طرف سے جاری مشترکہ بیان میں کہا گیا کہ دونوں صدور نے ایرانی عوام اور خاص طور پر ان خواتین اور نوجوانوں کے لیے اپنے احترام کا اظہار کیا جو انسانی حقوق اور بنیادی آزادیوں کے حصول کیلئے جرت مندی کے ساتھ احتجاج کر رہے ہیں۔ ان انسانی حقوق اور بنیادی آزادیوں کو ایران خود احترام کرنے کا عہد کرتا مگر ساتھ ہی ان حقوق کی خلاف ورزی میں بھی ملوث رہتا ہے۔

دونوں صدور نے ایران کو جوہری ہتھیاروں کی تیاری یا حصول سے روکنے کی اپنی خواہش کا ایک مرتبہ پھر اعادہ کیا اور کہا کہ غیر سرکاری ایرانی جماعتوں کے میزائلوں اور ڈرونز کے حصول پر فوری توجہ دئیے جانے کی ضرورت ہے۔ایرانی ڈرونز اور میزائلوں کی منتقلی خلیج میں ہمارے شراکت داروں کیلئے اور خطے میں استحکام و سلامتی کیلئے خطرہ بن سکتی ہے۔چین کے متعلق گفتگو کرتے ہوئے بائیڈن اور میکرون نے کہا کہ بیجنگ کی جانب سے خاص طور پر انسانی حقوق کے شعبہ میں درپیش چیلنجز کے متعلق دونوں ملکوں کے رد عمل کو ہم آہنگ کیا جائے گا۔ فرانس اور امریکہ بدلے میں چین کے ساتھ ماحولیاتی تبدیلی جیسے اہم عالمی مسائل پر کام کریں گے۔

واضح رہے بائیڈن نے جمعرات کے روز میکرون کا وائٹ ہاؤس میں استقبال کیا، بائیڈن کے 2021 کے شروع میں اقتدار سنبھالنے کے بعد سے میکرون پہلی مرتبہ امریکہ لائے تھے۔اپنے فرانسیسی ہم منصب کے ساتھ ملاقات میں بائیڈن نے فرانس کے ساتھ مشترکہ دفاع کے لیے امریکہ کے عزم کی توثیق کی اور کہا کہ امریکہ اور فرانس کو روس کے ان عزائم اور خطرے کا سامنا ہے جو یورپ کیلئے بھی خطرہ ہیں۔بائیڈن نے امریکہ اور فرانس کے درمیان مضبوط شراکت داری پر زور دیتے ہوئے کہا کہ فرانس امریکہ کا قابل اعتماد اور تاریخی شراکت دار ہے۔ ہم فرانس اور اپنے شراکت داروں کے ساتھ مل کر ایک زیادہ جمہوری دنیا کے لیے کام کریں گے۔واضح رہے بائیڈن اور میکرون ایک طرف امریکہ اور فرانسیسی تعلقات کے 200 سال سے زیادہ کا جشن منا رہے ہیں تو دوسری جانب مہنگائی کو کم کرنے کے لیے امریکی قانون کے تحت فراہم کی جانے والی نئی سبسڈیز کی وجہ سے دونوں ملکوں میں ایک پس پردہ تنازعہ بھی چل رہا ہے ۔