کابل:ترکمانستان کے وزیر خارجہ ویپا حاجئیف نے اقوام متحدہ کے امدادی مشن برائے افغانستان (یو ایم اے ایم اے) کی سربراہ روزا اوتن بائیوا کے ساتھ جو افغانستان کے لیے وسطی ایشیا ۔ یورپی یونین کے خصوصی نمائندوں کے اجلاس میں شرکت کے لیے عشق آباد کے دورے پر ہیں، ملاقات کی ۔ ترکمانستان کی وزارت خارجہ نے ایک بیان کے مطابق ملاقات کے دوران فریقین نے علاقائی سلامتی کے اہم امور پر تبادلہ خیال کیا۔حاجئیف نے کہا کہ ترکمانستان پڑوسی ملک افغانستان کی سلامتی اور استحکام کے ساتھ ساتھ اس کی سماجی و اقتصادی ترقی میں بے حد دلچسپی رکھتا ہے۔
اس تناظر میں، افغانستان کے مسائل پر ممالک اور اقوام متحدہ کے درمیان وسیع خاص طور پر ، یو این اے ایم اے کے ساتھ قریبی تعاون کی اہمیت پر توجہ مرکوز کی گئی۔تبادلہ خیال کے دوران فریقین نے اس بات پر زور دیا کہ بلا شبہ ترکمانستان جو وسطی ایشیا کے ان ممالک میں سے ایک ہے جو اپنی مستقل غیرجانبداری کی حیثیت پر عمل پیرا ہے، افغانستان میں سیاسی اور سماجی و اقتصادی صورتحال کو مستحکم کرنے کے لیے بین الاقوامی کوششوں کے تناظر میں سرگرم عمل ہے ۔ اس امر کو بھی خاص طور پر نوٹ کیا گیا کہ ترکمانستان تاپی گیس پائپ لائن، تاپ پاور لائن کی تعمیر، ریلوے کی مرمت، نئے ٹریکس بنانے جیسے منصوبوں کے نفاذ کے ذریعہ پڑوسی ملک کی اقتصادی بحالی میں قابل ذکر کردار ادا کرتا ہے۔
