فوج کے بارے میں مزاحیہ لطیفہ سنانے پر چینی کامیڈین کو دو ملین ڈالر جرمانہ

بیجنگ(اے یو ایس ) فوج کے بارے میں ایک چینی کامیڈین کے مذاق نے انٹرنیٹ پر ہنگامہ برپا کر دیا جس کے بعد فوج کا مذاق اڑانے والے مزاحیہ ادا کار کو تقریباً 2 ملین ڈالر جرمانہ کیا گیا ہے۔ اس کےعلاوہ پولیس نے کامیڈین سے تفتیش کی ہے اور اس کے کئی کامیڈی شوز منسوخ کر دیے گئے ہیں۔یہ ہنگامہ گذشتہ ہفتے کو بیجنگ میں چینی اداکار لی ہاوشی کی طرف سے کیے گئے ایک لطیفے کی وجہ سے ہوا۔ انہوں نے فوج کے نمائندے کے بارے میں تفریح طبع کے لیے مزاح میں بات کی تھی مگر یہ ان کا اب تک کا سب سے بڑا سکینڈل بن گیا۔چین میں کویڈ -19 کی وبا کے دوران کامیڈی شوز مقبول ہوئے، کیونکہ لوگوں نے انہیں دیکھنے میں زیادہ وقت گھر کے اندر گذارا۔ان میں سب سے زیادہ مقبول چاؤ گواؤ کلچر میڈیا کی طرف سے تیار کردہ ایک شو تھا۔

کامیڈین لی کو اس وقت شہرت ملی جب کسی نے 13 مئی کو ایک شو میں کیے گئے ایک لطیفے کی تفصیل پوسٹ کی، جسے چینی فوج کی توہین کے طور پر دیکھا گیا۔بیجنگ پولیس نے اپنے ویبو اکاو¿نٹ پر کہا کہ وہ لی سے تفتیش کر رہے ہیں۔بیجنگ کلچر اینڈ ٹورازم بیورو نے چاو گواو¿ پر 14.7 ملین یوآن (2.13 ملین ڈالر) کا جرمانہ عائد کیا ہے اور اس پر بیجنگ اور شنگھائی میں کسی بھی قسم کی پرفارمنس کی میزبانی کرنے پر پابندی لگا دی۔کلچر اینڈ ٹورزم بیورونے کہا کہ “ہم کبھی بھی کسی کمپنی یا فرد کو یہ اجازت نہیں دیں گے کہ وہ چینی دارالحکومت کو عوامی لبریشن آرمی کے شاندار امیج کو دانستہ طور پر بدنام کرنے کے لیے استعمال کرے۔