کابل:(اے یوایس) افغان طالبان نے قندھار میں ہندوستانی قونصل خانے پر قبضہ کر لیا، ویڈیو میں مسلح طالبان قونصل خانے کے مختلف حصوں میں جاتے دکھائی دے رہے ہیں۔قندھار پر قبضے کے لیے افغان سیکیورٹی فورسز اور طالبان میں شدید جھڑپیں جاری ہیں۔
دوسری جانب افغانستان میں طالبان کی پیش قدمی کے باعث ہندوستان کی پریشانی بڑھ گئی ہے اور ہندوستان سفارتکاروں کا افغانستان سے انخلا جاری ہے، جس کی ہندوستانی وزارت خارجہ نے تصدیق بھی کردی ہے۔ذرائع نے دعویٰ کیا ہے کہ ہندوستانی عملے اور مبینہ را ایجنٹوں کو نکالنے کے لیے آئے جہاز میں افغان فوج کے لیے اسلحہ بھی لایا گیا۔
ہندوستان کی جانب سے ایک طرف طالبان سے مذاکرات جبکہ دوسری طرف افغان فوج کو اسلحہ دینے کا سلسلہ بھی جاری ہے، جس پر تجزیہ کاروں نے سوالات اٹھا دیے ہیں۔کابل اور قندھار ایئرپورٹ پر ہندوستانی فضائیہ کے سی17 کارگو طیاروں کی تصاویر بھی سامنے آگئیں۔
