الجزائر:(اے یو ایس ) الجزائر میں ججوں کی قومی یونین نیشنل مجسٹریٹ سنڈیکیٹ نے ایک بیان جاری کرتے ہوئے کہا کہ وہ بین الاقوامی فیڈریشن آف ججز کے سالانہ اجلاس کا اس بنا پر بائیکاٹ کر رہے ہیں کیونکہ یہ اجلاس اسرائیل کے دارلحکومت تل ابیب میں منعقد ہونا طے پایا ہے۔یونین نے اپنے باضابطہ فیس بک پیج پر کہا کہ انٹرنیشنل فیڈریشن آف ججز کا دعوت نامہ موصول ہوا تھا لیکن ہم نے باضابطہ جواب کے طور پر فیڈریشن کے صدر اور فیڈریش کے افریقی گروپ کو تقریب کے بائیکاٹ سے آگاہ کر دیا ہے۔
بیان میں کہا گیا کہ بائیکاٹ کا یہ فیصلہ انصاف اور انسانی حقوق کے اصولوں پر مبنی ہے۔ تقریب کا یہ مقاطعہ فلسطینی مقصد پر الجزائر کے سرکاری موقف کی نمائندگی کرتا ہے اور فلسطینی عوام کے ساتھ اظہار یکجہتی کا اظہار بھی ہے۔واضح ہو کہ نیشنل مجسٹریٹ سنڈیکیٹالجزائر کے ججوں کی واحد نمائندہ تنظیم ہے۔الجیریا متعدد مواقع پر اسرائیل کے ساتھ اپنے تعلقات معمول پر لانے سے انکار کر چکا ہے ۔ اس کا کہنا ہے کہ جب تک اسرائیل فلسطینی علاقوں سے اپنا دسیوں سال سے جاری تسلط ختم اور ایک فلسطینی ریاست قائم نہیں ہونے دیتا اسرائیل سے تعلقات استوار نہیں کیے جائیں گے۔
تصویر سوشل میڈیا