تہران: ایران کے رہبر اعلیٰ حضرت آیت اللہ سید علی خامنہ ای نے پیر کے روز مزدوروں کے قومی ہفتہ کے موقع پرفرمایا کہ انقلاب اسلامی کے دور کے محنت کشوں نے ثابت کردیا کہ وہ فوجی، اقتصادی اور سیاسی میدانوں سمیت تمام شعبوں میں شاندار قومی محرکات کے حامل ہیں۔آیت اللہ خامنہ ای نے ایرانی کارکنوں سے ملاقات کے دوران عوام سے پر زور اپیل کی کہ وہ صدر ابراہیم رئیسی کے ایڈمنسٹریشن کے اقتصادی منصوبوں کو آگے بڑھانے اور عملی جامہ پہنانے میں تعاون دیں۔ انہوں نے کہا کہ اسلامی انقلاب کے ابتدائی ایام سے ہی دشمن نے ملک میں پیداوار کو روکنے کی کوشش کی ہے، انہوں نے فوجی ، معاشی اور سیاسی شعبوں میں بے مثال کامیابیوں پر مزدوروں کی دل کھول کر ستائش کی۔
انہوں نے مزید کہا کہ تمام پابندیوں کا مقصد ایران میں پیداوار کو روکنا تھا۔ لیکن ہمارے محنت کش محاذ پر ڈٹے رہے اورانہوں نے سازشیوں کو اپنے ارادوں کو عملی جامہ پہنانے نہیں دیا۔آیت اللہ خامنہ ای نے اس بات کا اعادہ کیا کہ کارکنوں کے بارے میں اسلام کا نظریہ قابل تعریف ہے۔یہ قدر پر مبنی ایک نقطہ نظر ہے، ایک ایسا نقطہ نظر جو محنت اور مزدوروں کی قدر کرتا ہے۔ انہوں نے مزید کہا۔یہ نقطہ نظر سرمایہ داری کے نظام اور کمیونزم کے منتشر نظام سے مختلف ہے۔
رہبر اعلیٰ نے یہ بات زور دے کر کہی کہ سرمایہ دارانہ نظام مزدوروں کو اس نقطہ نظر سے دیکھتے اور پرکھتے ہیں کہ وہ کس طرح ان کا استحصال کر سکتے ہیں اور ان مزدوروں کو دولت حاصل کرنے کے ایک آلے کے طور پر دیکھا جاتا ہے، اسی طرح سرمایہ داری محنت کشوں کو دیکھتی ہے، اور وہ اسے چھپاتے بھی نہیں۔” معاشیات پر ان کی کتابوں پر اور آپ اسی نتیجے پر پہنچیں گے۔ ،” آیت اللہ خامنہ ای نے کہا کہ کمیونزم کا مزدوروں کے بارے میں نظریہ محض ایک نعرہ تھا۔ ان کا کہنا تھا کہ ان کے پاس مزدوروں کا نظام ہے۔ مثال کے طور پر اسٹالن اور خروشچیف کے ماتحت روس (اس وقت کا سوویت یونین) ایک نام نہاد مزدور نواز نظام تھا لیکن حکمراں شاہانہ انداز میں رہتے تھے۔ مزدوروں کے لیے درد یا ان کی حمایت کرنے کی کوئی علامت نہیں تھی اور سارا دباو¿ پورے معاشرے اور محنت کش طبقے پر تھا ۔
تصویر سوشل میڈیا