قاہرہ:(اے یو ایس ) مصرمیں ایک مسافر بس اور ٹرک کے در میان منگل کی شام ہونے والے تصادم میں کم از کم 22 افراد ہلاک اور 33 زخمی ہو گئے۔یہ واقعہ جنوبی مصر کے گاو¿ں برشا میں اس وقت پیش آیا جب ایک مسافر بس سڑک پر کھڑے ٹرک سے ٹکرا کر الٹ گئی۔ پولیس نے حادثے کی تصدیق کرتے ہوئے ہلاکتوں میں اضافے کے خدشے کا اظہار کیا ہے۔
مسافروں کو لے جانے والی بس مصر کے دارالحکومت قاہرہ سے تقریباً 300 کلومیٹر جنوب میں منیا گورنری کے گاؤں برشا کے قریب کھڑے ٹرک سے ٹکرا گئی۔گورنری کے حکام کے ایک بیان میں کہا گیا ہے کہ ٹرک ٹائر تبدیل کرنے کے لیے سڑک کے کنارے کھڑا تھا کہ سوہاج گورنری سے قاہرہ کی گورنری کی طرف آنے والی بس اس سے ٹکرا کر پلٹ گئی۔
گورنریٹ کے حکام نے بتایا کہ زخمیوں کو علاج کے لیے ملوی اسپتال لے جایا گیا۔ گورنر میجر جنرل اسامہ القاضی نے تصادم کی جگہ کا معائنہ کیا اور زخمیوں کو فوری طبی امداد یقینی بنانے کی ہدایت کی ہے۔
تصویر سوشل میڈیا