نائٹ کلب کی وجہ سے کوویڈمرض پھیل رہا ہے، چین میں نئی پابندی لگائی گئی

بیجنگ : چین کے دارالحکومت بیجنگ میں ایک نائٹ کلب کی وجہ سے کورونا وائرس کے بڑھنے کے پیش نظر ایک ضلع کے اسکولوں سے کہا ہے کہ وہ آن لائن کلاسیں پھر سے شروع کردیں۔ وہیں، شنگھائی میں دو ماہ سے زائد عرصے سے نافذ لاک ڈاؤن کو ہٹانے کے بعد شہر کے حالات معمول پر آرہے ہیں۔

بیجنگ کے ‘ہیون سپر مارکیٹ کلب’ میںایک متاثرہ شخص جمعرات کو انفیکشن سے متاثر پایا گیا ، جس کے بعد اس کلب میں آنے والے 228 افراد کے متاثر ہونے کی تصدیق ہوچکی ہے۔ ان میں سے 180 متاثرہ گاہک ہیں ، جبکہ چار ملازم ہیں اور باقی 44 وہ لوگ ہیں جو بعد میں ان متاثرہ افراد سے رابطے میں آئے۔انتظامیہ نے پورے علاقے بشمول شاپنگ کمپلیکس اور کلب سے متصل دیگر اداروں کو اگلے نوٹس تک بند رکھنے کا حکم دیا ہے۔

کلب کی وجہ سے پھیلنے والے انفیکشن کی وجہ سے ، انتظامیہ نے ضلع چوائیانگ کے تمام اسکولوں کو صرف آن لائن کلاسیں چلانے کی ہدایت کی ہے۔ تاہم ، ثانوی کلاسوں میں داخلے کے لیے ہونے والے امتحان میں شامل ہونے والے طلبا ئ کو اس سے مستثنیٰ قرار دیا گیا ہے۔انتظامیہ نے شہر میں کسی بھی قسم کی کھیلوں کی سرگرمیوں پر بھی پابندی عائد کردی ہے۔