چین میں پھر بڑھ رہے کوروناکے معاملے اقتصادی ترقی پر لگے گی بریک

بیجنگ: جہاں ایک جانب پوری دنیا میں کورونا عالمی وباکاقہر کم ہو رہا ہے وہیں چین میں ایک بار پھر کورونا عفریت سر اٹھانے لگا ہے۔ چین میں گزشتہ 24گھنٹوں میں 112کورونا معاملے درج کئے گئے ہیں۔مقامی میڈیا نے دیش کے ہیلتھ کمیشن کے حوالے ان کیسوں کی تصدیق کی ہے۔ ایک دن پہلے چین میں کورونا وائرس کے 69 معاملے ملے تھے۔ کورونا کیس بڑھنے کے بعد ایک بار پھر یہاں ٹیسٹنگ بڑھا دی گئی ہے وہیں جانکاروں کا ماننا ہے کہ اگر بڑھتے کیسوںکے تحت چین نے پھر لاک ڈاﺅن لگایا تو اقتصادی ترقی پر پھر سے بریک لگ جائے گی۔

قومی صحت کمیشن کے مطابق ، چین میں بڑھتے کورونا کے معاملوں میں 81انفیکشن زدہ لوگ صوبہ میں ملے ہیں۔ اس کے علاوہ پچھلے 24 گھنٹوں میں صوبہ میں 141 غیر علامتی معاملے سامنے آئے ہیں۔ نیوز ایجنسی کی رپورٹ کے مطابق 26جون سے 5جولائی کو کووڈ 19- کے کل 267 معاملوں کی تصدیق کی گئی ہے جن میں سے ایک بیرون ملک سے آیا تھا اور 1,002 غیر علامتی معاملے ریکارڈ کئے گئے ہیں ۔