سرینگر: (اے یو ایس) کشمیر کی انتظامیہ نے اپنے مرکزی کیمپس کو 2 مئی تک بند رکھنے کا حکم دیا ہے۔کیمپس میں 25 سے زیادہ کورونا کے معاملات کی اطلاع کے بعد ضلعی انتظامیہ سری نگر اس کو مائیکرو کنٹینمنٹ زون کے طور قرار دینے پر مجبور ہوئی۔یاد رہے کہ یہ اقدام سری نگر سمیت جموں و کشمیر کے 11 اضلاع میں جاری 84 گھنٹوں کے کورونا لاک ڈاو¿ن کے اعلان کے بعد اٹھایا گیا ہے۔یہ لاک ڈاون جمعہ کی شام سے شروع ہو گیا۔
کشمیر یونیورسٹی کے رجسٹرار ڈاکٹر نثار احمد میر کی جانب سے جاری کردہ احکامات کے مطابق تاہم یونیورسٹی کے ہیلتھ سینٹر ، سینی ٹیشن ونگ ، لینڈ سکیکپ ڈویڑن ، یونیورسٹی کنسٹرکشن ڈویڑن ، پراکٹریل ونگ سمیت یونیورسٹی کا لازمی خدمات عملہ اپنے فرائض انجام دیتا رہے گا۔مرکزی کیمپس کو بند رکھنے کا حکم دیتے ہوئے یونیورسٹی انتظامیہ نے مرکزی کیمپس کے انتظامی یونٹوں کو 3 مئی سے فعال بنانے کے انتظامات کو بھی حتمی شکل دی ہے۔
مزید یہ حکم دیا گیا ہے کہ اپنے متعلقہ محکموں اور انتظامی اکائیوں کو آسانی سے کام کرنے کو یقینی بنانے کے لئے ، کنٹرولنگ افسران اور سربراہان کام کے دنوں میں کم سے کم ماتحت عملے کی ذاتی طور پر حاضری کے بارے میں فیصلہ کریں گے جو ضرورت کے مطابق ہوں گے۔
تصویر سوشل میڈیا