نئی دہلی: ڈومینیکن ریپبلک کے وزیر اعظم روزویلٹ ا سکرٹ نے وزیر اعظم نریندر مودی کو خط لکھا ہے کہ ہندوستان اس کے ملک کو کورونا ویکسین کی 70 ہزار خوراکیںبھیج کر مہلک بیماری سے ابھرنے میں مددکرے۔منگل کو وزیر اعظم مودی کو لکھے گئے خط میں ، اسکرٹ نے لکھا: “جیسا کہ ابھی ہم 2021 میں داخل ہوئے ہیں کوویڈ 19 کے خلاف اپنی لڑائی جاری رکھتے ہوئے ڈومینیکا کی 72100 کی آبادی کو آکسفورڈ – آسٹرا زینیکا ویکسین کی اشد ضرورت ہے۔
لہذا ، میں ، نہایت عاجزی اور احترام کے ساتھ درخواست کرتا ہوں ، کہ آپ بطور عطیہ کورونا ویکسین کی 70000 خوراکیں بھجوا کر ملک کے باشندوں کو یقینی تحفظ فراہم کرانے میں ہماری مدد کریں۔جمہوریہ ڈومینیکن کے ساتھ ہندوستان کے قریبی تعلقات ہیں جنہوں نے 2020 تک اقوام متحدہ کی سلامتی کونسل کے ایک غیر مستقل ممبر کی حیثیت سے اپنے دور حکومت میں دوطرفہ تعلقات کے لئے اپنے عہد کا مظاہرہ کیا تھا۔
کیریبین جزیرے کی ایک چھوٹی قوم اس وقت ہندوستان کی حمایت میں آئی تھی جب پاکستان ، اس کا اتحادی چین کشمیر پر بھارت کو اقوام متحدہ کی 1267 کی قرارداد کے تحت افغانستان میں کام کرنے والے بے قصور ہندوستانیوں کو عالمی دہشت گردوں کی فہرست میں شامل کرنے کی کوشش کررہے تھے۔وزیر اعظم مودی پہلے ہی ٹویٹ کر چکے ہیں کہ ہندوستان عالمی برادری کی صحت کی دیکھ بھال کی ضروریات کو پورا کرنے کے لئے پرعزم ہے۔
وزیر خارجہ ایس جے شنکر نے کہا ہے کہ ہندوستان (دنیا کا دواخانہ ) وبائی امراض کو دور کرنے کے لئے ویکسین فراہم کرے گا۔اپنے خط میں ، وزیر اعظم ا سکرٹ نے کہا: “میں آپ کی طرف توجہ دلاتا ہوں کہ کوویڈ 19 کی ویکسین کو فراہم کرنے کے لئے ہمارے لوگوں کو زبردست چیلنج کا سامنا کرنا پڑ رہا ہے۔ ڈومینیکن کی بڑی تعداد زیادہ عرصے تک ویکسین حاصل نہیں کرسکے گی۔ ہم ایک چھوٹے جزیرے کی ترقی پذیر قوم ہیں ویکسین کی زیادہ مانگ اور زیادہ فنڈز کی ادائیگی کرنے والے بڑے ممالک کے ساتھ مقابلہ کرنے سےقاصر ہیں۔
انہوں نے وزیر اعظم نریندر مودی کو یاد دلاتے ہوئے کہا کہ اس کا ملک اکثر ہندوستان کی طرف سے امداد کا خوش قسمت وصول کنندہ رہا ہے۔خط میں مزید کہا گیا کہ سال 2017میں سمندری طوفان ماریہ کے بعد ، حکومت ہند نے احسن طریقے سے فوری امداد کیلئے امریکی 1لاکھ ڈالر کے ساتھ ساتھ لازمی انفراسٹرکچر کی تعمیر نو کے لئے مزید ایک ملین امریکی ڈالر کی فراہمی کی۔سال 2016 میں ہندوستان نے امدادی سکیم کے تحت ڈومینیکن کے باشندوں کو دوا فراہم کی گئی تھی۔ امید کرتے ہیں کہ آپ اس بار بھی ہمیں مایوس نہیں کریں گے اور ہم ایک بار پھرسے آپ کی سخاوت سے مستفیض ہونے میں کامیاب ہوجائیں گے۔
تصویر سوشل میڈیا