بائیڈن کی جیت کے اعلان سے پہلے ہی ٹرمپ وہائٹ ہاؤس چھوڑ کر گولف کھیلنے چلے گئے تھے

واشنگٹن: ڈونالڈ ٹرمپ کی ہاراور فتح کے بارے میں کئی قیاس آرایﺅں کے درمیان دنیا کی قدیم ترین جمہوریت ، امریکہ میں صدر کی تصویر بالآخر واضح ہوگئی۔ انتخابات میں شروع سے جمہوریہ کے ڈیموکریٹ امیدوار جو بائیڈن نے کامیابی حاصل کی ، ووٹوں کی گنتی کے آغاز سے ہی وہ آگے جا رہے تھے۔

حیرت کی بات یہ ہے کہ جب امریکی میڈیا نتائج اور بائیڈن کی متوقع جیت کا اعلان کررہا تھا تو ڈونالڈ ٹرمپ اسٹرلنگ میں گولف کھیلنے میں مشغول تھے۔جس کا ویڈیو سوشل میڈیا میں وائرل ہو گیا۔ انتخابی نتائج کا اعلان ہوتے ہی ٹرمپ نے ہفتہ کی صبح ہی وہائٹ ہاؤس سے رخت سفر باندھ لیا تھا ، حتمی فیصلہ کرنے والے ووٹ پنسلونیا بیٹل گراؤنڈ ریاستوں سے آنے والے تھے۔

ویڈیو وائرل ہونے کے بعد ٹرمپ خوب ٹرول ہو رہے ہیں کہ وہ ملک کے بارے میں کتنے ذمہ دار تھے ۔ جبکہ بائیڈن کی ٹیم نے ، اس سے پہلے ، اقتدار سے منتقلی اور فتح سے قبل ہی نئی حکومت کے قیام کا کام شروع کردیا۔ ان کے ساتھی ٹیڈ کاف مین یہ کام کر رہے ہیں۔کاف مین نے 2008 میں براک اوبامہ کے لئے بھی کام کر چکے ہیں۔

وہ وائٹ ہاؤس کے چیف آف سٹاف کا اعلان کریں گے اور چار ہزار عملہ مقرر کرنا ہو گا۔ اس کے لئے 1200 عملے کے لئے سینیٹ سے اجازت لینی ہوتی ہے۔ سینیٹ میں ری پبلیکنز کا قبضہ ایک بہت بڑا چیلنج ہوگا۔بائیڈن نے کہا ، عوام نے کوویڈ 19-وبا سے دفاع کرنے اور معیشت پر کام کرنے کے حق میں ووٹ دیا ہے۔ جب وہ صدارتی دفتر پہنچیں گے تو وہ پہلے دن سے اپنے منصوبے پر کام شروع کریں گے۔