کوئٹو،(اے یو ایس ) ایکواڈور کے بندرگاہی شہر گویاکیل کی جیل میں ہفتے کے آخر میں ہونے والے فسادات میں مرنے والوں کی تعداد بڑھ کر 31 ہو گئی ہے۔ جب کہ فسادات میں 14 دیگر افراد زخمی بھی ہوئے۔ ایکواڈور کے جنرل پراسیکیوٹر کے دفتر نے بدھ کو یہ اطلاع دی۔اس سے قبل منگل کے روز پراسیکیوٹر کے دفتر نے کہا تھا کہ گویاکیل کی لیٹورل جیل میں جھڑپوں میں 18 افراد اپنی جانوں سے ہاتھ دھو بیٹھے ہیں۔
ایکواڈور کے حکام نے ہفتے کے روز ملک کی کچھ جیلوں میں فسادات پھوٹنے کے بعد ملک کے جیلوں کے نظام میں 60 دن کے ایمرجنسی کا اعلان کیا اور جیلوں میں بدامنی پر قابو پانے میں مدد کے لیے فوج کو ہدایات جاری کیں۔گویاکیل جیل قیدیوں کے درمیان فسادات کے لیے بدنام ہے۔ اس سے قبل ستمبر 2021 میں جیل میں ہونے والے فسادات میں 119 افراد اپنی جان سے ہاتھ دھو بیٹھے تھے اور کئی قیدی زخمی ہوئے تھے۔
تصویر سوشل میڈیا