Eleven yatri killed as truck carrying pilgrims falls into gorge in TNتصویر سوشل میڈیا

تروپتر (تامل ناڈو): (اے یو ایس ) تمل ناڈو کے پہاڑی ضلع تروپتر میں 30 یاتریوں کو لے جانے والا ٹرک وادی میں جا گرا جس میں 11 افراد ہلاک ہوگئے۔ہلاک شدگان میں 6بزرگ خواتین اور 5بچیاں شامل ہیں، حادثے میں 20 افراد شدید زخمی ہوئے ہیں، جن کا سرکاری ضلع اسپتال میں علاج کیا جا رہا ہے۔ پولیس نے یہ اطلاع دی۔وزیر اعلیٰ ایم کے ا سٹالن نے سوگوار خاندانوں کے تئیں اپنی گہری تعزیت کا اظہار کیا اور مرنے والوں کے لواحقین کو 2 لاکھ روپے اور زخمیوں کے لیے 50ہزار روپے دینے کا بھی اعلان کیا۔

یہ واقعہ اس وقت پیش آیا جب پلیور گاؤں کے تقریباً 30 عقیدت مند ضلع کے پہاڑی سمبرائی میں واقع مندر میں جا رہے تھے۔ایک پولیس اہلکار نے پی ٹی آئی کو بتایا کہ ٹرک ڈرائیور نے گھاٹ روڈ پر موڑ سے گزرتے ہوئے گاڑی پر کنٹرول کھو دیا جس کی وجہ سے یہ حادثہ پیش آیا ۔ معاملے میں تفتیش جاری ہے۔

سٹالن نے عقیدت مندوں کی موت پر غم کا اظہار کرتے ہوئے کہامیں نے حکام کو زخمیوں کے علاج میں ہر ممکن مدد فراہم کرنے کا حکم دیا ہے۔“ ایک ویڈیو میں واضح طور پر پانی کی بوتلیں اور چپل موقع پر بکھری ہوئی دکھائی دے رہی ہے۔ عورتیں اور بچے ٹرک سے بہت دور زمین پر پڑے ہیں۔ پولیس نے بتایا کہ اس سلسلے میں ایک کیس درج کر لیا گیا ہے اور مزید تفتیش جاری ہے۔

Leave a Reply

Your email address will not be published. Required fields are marked *