رات کو گرل فرینڈ کی ٹیرس پر لے کر پہنچا پیزا ،لڑکی کے باپ کے آنے پر بھاگنے کی کوشش میں گر کر جاں بحق

حیدرآباد،(اے یوایس )حیدرآباد کے علاقے بورابنڈہ میں ایک شخص کی اس وقت موت ہوگئی جب وہ پیزا لے کر اپنی گرل فرینڈ کے گھر گیا۔ محبوبہ کے والد سے بچنے کی کوشش میں عاشق چھت سے گرا جس کے باعث وہ شدید زخمی ہو کر جاں بحق ہو گیا۔ پولیس کے مطابق 20 سالہ شعیب آدھی رات کو اپنی گرل فرینڈ کی بلڈنگ کے ٹیرس پر پیزا لے کر رات گئے کی ڈیٹ پر گیا تھا کہ اس نے اپنے والد کی سیڑھیوں سے اترتے ہوئے سنا۔

پولیس نے بتایا کہ چونک کر شعیب چھت کے کنارے کی طرف بھاگا اور کچھ لٹکتی تاروں کا سہارا لینے کی کوشش میں نیچے گر گیا۔ اس نے بتایا کہ عمارت کی چوتھی منزل سے گرنے کے بعد اس کے سر پر شدید چوٹیں آئیں اور اس کی موت ہوگئی۔نوجوان صبح تقریباً 3 بجے چھت سے گرا، جس کے بعد اسے عثمانیہ اسپتال لے جایا گیا، جہاں اسے تقریباً 5:30بجے مردہ قرار دیا گیا۔ متاثرہ کے والد نے اپنے بیٹے کی موت پر سوال اٹھاتے ہوئے شکایت درج کرائی ہے۔