مجھے مسلمان ہونے کی پاداش میں وزارت سے برطرف کیا گیا: سابق برطانوی وزیر نصرت غنی

لندن: کنزرویٹیو پارٹی کی رکن پارلیماں نصرت غنی نے کہا کہ ایک پارٹی وہپ نے انہیں بتایا ہے کہ انہیں مسلمان ہونے ، کے باعث ،جس سے ان کے ساتھی پریشانی محسوس کرتے تھے، گذشتہ سال فروری میں برطانیہ کی وزیر نقل و حمل کے عہدے سے برطرف کیا گیا تھا ۔ اور انہوں نےایک انگریزی اخبار کے نمائندے کو بتایا کہ ایک پارٹی ترجمان نے انہیں بتایا تھا کہ ڈاؤننگ اسٹریٹ میں ہونے والے ایک اجلاس میں ان کے مسلمان ہونے کو ایک مسئلے کے طور پر اٹھایا گیا۔

واضح ہو کہ نصرت غنی کو 2020میں وزیر اعظم بورس جانسن کی کابینہ میں معمولی سی ردو بدل کے دوران جس میں ان کے مسلمان ہونے کو ایک مسئلے کے طور پر اٹھایا گیا تھا، وزیر کے عہدے سے محروم کیا گیا تھا۔انہوں نے سنڈے ٹائمز کے نمائندے سے بات کرتے ہوئے مزید کہا کہ اس وقت وہ سخت شرمندگی اور خود کو بے اختیار محسوس کر رہی تھیں۔

لیکن نصرت غنی نے کہا کہ انہوں نے اس ضمن میں کوئی شکایت درج نہیں کرائی جبکہ وہ ایسا کر سکتی تھیں کیونکہ کنزرویٹیو پارٹی کسی بھی قسم کے تعصب یا تفریق آمیز سلوک کو برداشت نہیں کرتی۔ اگرچہ وزیر انصاف ڈومینک روب نے اسے سنگین معاملہ قرار دیا لیکن یہ کہہ کر تحقیقات کرانے سے انکار کر دیا کہ نصرت غنی نے اس ضمن میں کوئی باضابطہ شکایت درج نہیں کرائی۔