لندن: (اے یو ایس ) پارلیمنٹ میں تحریک عدم اعتماد کے ذریعے جہاں ایک جانب وزیراعظم عمران خان وزارت عظمیٰ کے عہدے سے برطرف ہوئے وہیں ن کے سابق برادر نسبتی بین گولڈ سمتھ کا موقف بھی سامنے آگیا۔ ماہر ماحولیات بین گولڈ اسمتھ نے ٹوئٹر پر لکھا کہ ’میرے بہنوئی عمران خان ایک اچھے اور معزز آدمی ہیں، اپنے ملک کیلئے اچھا کرنے کی شدید خواہش رکھتے ہیں ، وزیر اعظم کے طور پر ان کا ریکارڈ غیر معمولی ہے۔
‘انہوں نے عمران خان کی ماحول دوست پالیسیوں کو سراہتے ہوئے کہا کہ عمران کی قیادت میں پاکستان نے ماحولیاتی بحالی کے حوالے سے بہت کام کیا اور عالمی سطح پر اپنے آپ کو منوایا۔ یاد رہے کہ بین گولڈ سمتھ لندن میں سرمایہ کاری فرم ’مینہیڈن‘ کے بانی اور سی ای او ہیں، جو توانائی اور وسائل کی کارکردگی کے حوالے سے کام کرتی ہے۔یہاں یہ امر بھی قابل ذکر ہے کہ عمران خان کی سابق اہلیہ ریحام خان بھی پارلیمنٹ میں کارروائی دیکھنے کے لیے پہنچ گئی تھیں اور ان کا جھکاﺅ عمران خان کی مخالف قوتوں کی طرف تھا تاہم جمائما خان کا موقف معلوم نہیں ہوسکا۔
تصویر سوشل میڈیا