نئی دہلی: ہندوستان نے تبت میں برہم پتر ندی پر بند تعمیر کرکے ندی کی دھارا موڑنے کی اطلاعات پر چینی حکومت سے اپنی تشویش کا اظہار کیا ہے اور درخواست کی ہے کہ اونچائی والے علاقوں میں ایسی کوئی سرگرمی نہ کی جائے جس کا نشیبی علاقوں کے مفادات پر کوئی اثر پڑے۔
وزارت خارجہ کے ترجمان انوراگ شریواستو نے آج یہاں ایک ورچوئل پریس کانفرنس میں اس بارے میں سوالات کے جواب میں کہا کہ انہوں نے اس بارے میں میڈیا رپورٹس دیکھی ہیں۔ دریائے برہم پترپر ہونے والی تمام سرگرمیوں پر حکومت احتیاط سے نگرانی کر رہی ہے۔اونچائی سے آنے والی ندیوں کے پانی پر انحصار کی وجہ سے ، حکومت مسلسل چینی حکومت کو اپنے خیالات اور خدشات سے آگاہ کراتے آ رہی ہے اور اب بھی اس بات کو یقینی بنانے کی درخواست کی ہے کہ اونچائی والے علاقوں میں ایسی سرگرمیاں نہ ہوں جو نشیبی علاقوں کو نقصان پہنچائیں۔
سریواستو نے کہا کہ چینی فریق نے ہندوستانی فریق کو کئی باریہ کہا ہے کہ وہ دریا کے بہتے ہوئے پانیوں پر ایک پن بجلی پروجیکٹ بنا رہے ہیں جس میں برہم پتر کے دھارے کو کہیں سے بھی موڑنے کا کوئی ارادہ نہیں ہے۔ چین کے ساتھ 2006 میں اور سفارتی مذاکرات میں ماہرین سطح کے ادارہ جاتی انتظامات کے تحت ، سرحد پار سے بہنے والے دریا سے متعلق امور پر بات چیت ہوتی ہے۔ ہم سرحد پار سے بہنے والی ندیوں کے معاملے پر اپنے مفادات کے تحفظ کے لئے چین کے ساتھ مستقل رابطے میں ہیں۔
امریکی اقتصادی اور سلامتی سے متعلق جائزہ کمیشن کی تازہ ترین رپورٹ میں ہندوستان کو چین سے خطرہ سے متعلق ایک سوال کے جواب میں ، ترجمان نے کہا کہ ہندوستان کا رخ 15 جون کو وادی گلوان کے واقعے کے بعد ، وزیر خارجہ ایس جے شنکر اور چینی ریاستی کونسلر اور خارجہ وزیر وانگ یی کے درمیان ہوئی بات چیت کے بعد جاری ایک پریس بیان میں ہبندوستان کی رخ کی وضاحت کر دی گئی تھی۔ انہوں نے کہا کہ بنیادی مسئلہ یہ ہے کہ دونوں فریقین کومختلف دو طرفہ معاہدوں اور پروٹوکول بشمول 1993 اور 1996 میں دستخط کیے گئے حقیقی کنٹرول لائن(ایل اے سی) پر امن و استحکام برقرار رکھنے کے معاہدے پر مکمل اور سختی سے عمل آوری کی جانی چاہئے۔
اس کا تقاضا ہے کہ ایل اے سی پر فوج کی نقل و حرکت نہ ہو ، ہر ایک فریق ایل اے سی کا انتہائی احترام کرے اور اس پر اثر انداز ہونے کے لئے یکطرفہ کوئی اقدامات نہ اٹھائے۔ہندوستان۔ چین ایل اے سی کے مسئلے سے متعلق ایک اور سوال کے جواب میں ، انہوں نے کہا کہ دونوں فریق سفارتی اور فوجی ذرائع سے مستقل رابطے میں ہیں تاکہ ایل اے سی کے تنازعات پر مکمل طورپرفوجیںایک دوسرے کے سامنے سے ہٹالی جائیں۔ اور امن و استحکام کو مکمل طور پر بحال ہوجائے۔ دونوں فریقوں نے کور کمانڈر سطح کا ایک اور اجلاس منعقد کرنے پر اتفاق کیا ہے۔
تصویر سوشل میڈیا