نئی دہلی: گزشتہ دو ماہ سے زائد عرصے سے روس-یوکرین کے درمیان جنگ جاری ہے۔ اس دوران کئی ممالک نے روس پر سخت پابندیاں عائد کی ہیں۔ جنگ کے دوران روس نے ہندوستان کے ساتھ ایک اہم معاہدہ کیا ہے۔ ایئر پورٹ اتھارٹی آف انڈیا (اے اے آئی)اور روسی کمپنی کے درمیان معاہدے پر دستخط ہوئے۔ یہ اطلاع دہلی میں روسی سفارت خانے نے ایک سرکاری بیان میں دی۔اس ضمن میں روسی سفارت خانے واقع دہلی نے ایک سرکاری بیان جاری کیا ہے جس میں کہا گیا ہے کہ روسی کمپنی ، سائنٹیفک اینڈ پروڈکشن کارپوریشن-ریڈیو ٹیکنیکل سسٹمز نے ہندوستان کے ساتھ ایک معاہدہ کیا ہے۔
دریں اثنا ، ہندوستان میں ہوائی اڈے کے لئے آئی ایل ایس -734 لینڈنگ سسٹم کے 34 سیٹ دستیاب کیے جائیں گے۔ ہندوستان کے 24 مختلف ہوائی اڈوں پر 34 ریڈیو سیٹ لگائے جائیں گے ، ایک روسی کمپنی ہندوستان کے ہوائی اڈوں پر سامان فراہم کرے گی۔سفارت خانے کے مطابق ہندوستان کو یہ سامان اس سال نومبر سے ملنا شروع ہو جائے گا۔ اس معاہدے کے تحت لین دین کے لئے قومی کرنسی ، روپیہ اور روبل کا استعمال کیا جائے گا۔
ایئر پورٹس اتھارٹی آف انڈیا نے ملک کے 24 مختلف ہوائی اڈوں کو جدید بنانے کے لیے ٹینڈرز جاری کیے تھے جس میں دنیا بھر کے معروف عالمی ریڈیو سیٹ مینوفیکچررز نے شرکت کی۔ تاہم ٹینڈر ایک روسی کمپنی کو دیا گیا۔ہندوستان میں روسی سفیر ڈینس الیپوف نے کہا کہ این پی یو-آر ٹی ایس اور اے اے آئی کے درمیان معاہدہ ہندوستان میں زمین پر مبنی ریڈیو آلات کی انتہائی مسابقتی مارکیٹ میں روسی کاروبار کے لیے ایک پیش رفت ہے۔ معاہدے کا کامیاب نفاذ سے بلاشبہ ہندوستانی ہوائی اڈے کے بنیادی ڈھانچے کو جدید بنانے کے لیے مشترکہ منصوبوں کے نفاذ کے نئے مواقع کھلیں گے۔
تصویر سوشل میڈیا