تہران: (اے یو ایس )ایران نے اس امر کا اعتراف کیا ہے کہ وہ خلا میں ایک نیا راکٹ بردار مصنوعی سیارہ چھوڑنے کی تیاری کر رہا ہے۔ایران کی سرکاری خبر رساں ایجنسی ایرنا نے وزارت دفاع کے ترجمان احمد حسینی کے حوالے سے کہا کہ سابقہ لانچ کے بعد ایران اپنے مزید دو ذوالجناح راکٹ لانچ کرے گا۔ ایران کا یہ اعتراف گذشتہ روز مکسر ٹیکنولوجیز کی فوٹو گرافی کے بعد جس سے دیہی صحرا ئی علاقے میں ایک لانچ پیڈ پر راکٹ کو لانچ کیے جانے کی تیاریوں کا انکشاف ہوا تھا ۔
تفصیل کے مطابق میکسر ٹیکنالوجیز کی تصاویر میں ایران کے دیہی صوبہ سمنان میں امام خمینی خلائی پورٹ پر، جسے ایران کی سیٹلائٹ کو مدار میں بھیجنے کی اکثر ناکام کوششوں کا مقام بتایا جاتا ہے،ایک لانچ پیڈ دکھایا گیا تھا ۔تصاویر کے ایک سیٹ میں ٹرانسپورٹر پر راکٹ دکھایا گیا تھا جسے اٹھا کرلانچ ٹاور پر ڈالنے کی تیاری کی گئی تھی۔ بعد کی ایک تصویر میں راکٹ کو بظاہر ٹاور پر دکھایا گیا ہے۔ایران نے خلائی پورٹ پر آیندہ راکٹ چھوڑنے کا اعتراف نہیں کیا ہے۔
نیویارک میں اقوام متحدہ میں ایرانی مشن نے فوری طور پر اس پیش رفت پر تبصرے کی درخواست کا جواب نہیں دیا۔ تاہم مئی میں اس کی سرکاری خبر رساں ایجنسی ایرنا نے کہا تھا کہ ممکنہ طور پر مارچ 2023 میں فارسی کیلنڈر سال کے اختتام تک ایران کے پاس سات اپنے ساختہ سیارچے (سیٹلائٹس) خلا میں بھیجنے کے لیے تیار ہوں گے۔
تصویر سوشل میڈیا