تہرا ن :(اے یوایس )ہفتے کے روز شمالی ایران کے صوبہ مازندران کے جنرل انٹیلی جنس ڈیپارٹمنٹ نے اسرائیل کے لیے جاسوسی کے الزام میں بہائی نام کی تنظیم کے 12 ارکان کی گرفتاری کا اعلان کیا ہے ۔ایرانی العلم ٹی وی چینل نے محکمہ انٹیلی جنس کے حوالے سے بتایا ہے کہ اس تنظیم کے دو رہ نماو¿ں کو اسرائیل میں بیٹوین جسٹس آرگنائزیشن میں تربیت دی گئی تھی۔ایک ماہ قبل ایرانی میڈیا نے پانچ افراد پر مشتمل ایک اسرائیلی جاسوسی نیٹ ورک کی گرفتاری کی اطلاع دی تھی۔
نیم سرکاری ایرانی لیبر نیوز ایجنسی نے کہا ہے کہ پانچ مشتبہ افراد اس سیل کے سربراہ اور اس کے چار معاونین ہیں، سبھی اسرائیل کے لیے کام کرتے ہیں اور موساد کے سربراہ سے رابطے میں ہیں۔رپورٹ میں مشتبہ افراد کی قومیتیں ظاہر نہیں کی گئیں اور نہ ہی مبینہ سازشوں کے اہداف کی وضاحت کی گئی۔ یہ واضح نہیں ہے کہ اس گروہ کو کب گرفتار کیا گیا تھا۔قابل ذکر ہے کہ ایران وقتاً فوقتاً ایسے لوگوں کو حراست میں لینے کا اعلان کرتا رہتا ہے جن پر امریکا اور اسرائیل سمیت بیرونی ممالک کے لیے جاسوسی کرنے کے الزامات عائد کیے جاتے رہے ہیں مگر ایران ان الزامات کو درست ثابت کرنے کے لیے ثبوت پیش نہیں کرسکا ہے۔
تصویر سوشل میڈیا