تہران:(اے یو ایس ) ایران کے رہبر معظم آیت اللہ علی خامنہ ای نے حالت نازک ہونے کی خبروں کے درمیان ہفتے کے روز تہران میں ایک مذہبی تقریب میں شرکت کی ۔وہ اپنی صحت کے حوالے سے ’نازک‘صورت حال کی قیاس آرائیوں کے بعد پہلی بارعوامی سطح پرنمودار ہوئے ہیں۔ رہبر معظم کی ویب سائٹ نے ان کی چلتے ہوئے اور ہجوم کی طرف ہاتھ ہلاتے ہوئے تصاویر جاری کی ہیں۔
جمعہ کے روز بے نام ذرائع کا حوالہ دیتے ہوئے نیویارک ٹائمز نے خبر دی تھی کہ خامنہ ای کی گذشتہ ہفتے شدید بیمار ہونے کے بعد سرجری کی گئی تھی۔اخبارکی رپورٹ کے مطابق خامنہ ای نے گذشتہ ہفتے پیٹ میں شدید درد اور تیز بخار میں مبتلا ہونے کے بعد آنتوں میں رکاوٹ کی وجہ سے سرجری کروائی تھی ۔
رپورٹ میں کہا گیا کہ خامنہ ای کی حالت گذشتہ ہفتے نازک سمجھی گئی تھی لیکن اس میں بہتری آئی ہے اور وہ فی الحال آرام کر رہے ہیں۔ایرانی حکام نے اس رپورٹ پر کوئی تبصرہ نہیں کیا ہے۔83 سالہ خامنہ ای 1989 سے ایران کے رہبر معظم ہیں اوروہ ملک کے تمام حکومتی معاملات پر ان کا کہا حرف آخر ہوتا ہے ۔
تصویر سوشل میڈیا