کابل:امارت اسلامیہ نے ملک میں شہریوں، دکانداروں اور تاجروں کی جانب سے غیر ملکی کرنسی کا استعمال ممنوع قرار دے دیاہے۔اس ضمن میں گذشتہ شام جاری ایک بیان میں امارت اسلامیہ نے کہا کہ روزمرہ کے لین دین میں غیر ملکی کرنسی کا استعمال سختی سے ممنوع ہے۔
بیان میں کہا گیا ہے کہ ملک کی معاشی صورتحال اور قومی مفادات کے لیے لوگوں سے افغان کرنسی استعمال کرنے کی ضرورت ہے۔بیان میں کہا گیا ہے کہ ملک کی اقتصادی صورتحال اور قومی مفادات کا تقاضا ہے کہ تمام افغان تجارت میں افغان کرنسی کا استعمال کریں۔
غیر ملکی کرنسی کے استعمال سے ملکی معیشت پر منفی اثرات مرتب ہوتے ہیں، اور اس سے ہمارے تمام ہم وطنوں کو نقصان ہوتا ہے۔ یہ فیصلہ ایسے وقت میں آیا ہے جب افغانستان کو معاشی مشکلات کا سامنا ہے اور اس کے غیر ملکی بینکوں میں زرمبادلہ کے ذخائر منجمد ہیں۔
تصویر سوشل میڈیا