تل ابیب:(اے یو ایس ) ایک اسرائیلی سفارتی ذریعے نے بدھ کو کہا ہے کہ ایران جوہری ہتھیاروں کے لیے کافی افزودہ یورینیم حاصل کرنے کے راستے پر ہے۔ یہ پیش رفت ویانا میں 2015 کے جوہری معاہدے کو بحال کرنے کے لیے جاری مذاکرات میں تعطل کے دوران سامنے آئی ہے۔یروشلم پوسٹ نے ذرائع کے حوالے سے بتایا کہ ایرانی حکومت کے پاس افزودہ یورینیم کی ایک بڑی مقدار موجود ہے جو ایک بم بنانے کے لیے کافی ہے اور یہ ایک سرخ لکیر ہے جو مغربی فریقین نے مذاکرات کے دوران طے کی ہے۔
اگرچہ ایران نے ابھی تک جوہری ہتھیاروں کے لیے یورینیم کو 90 فیصد خالصتاً افزودہ نہیں کیا ہے، لیکن کم طہارت کے لیے افزودہ یورینیم کی بڑی مقدار جوہری بم بنانے کے لیے کافی ہو سکتی ہے۔ یروشلم پوسٹ کی رپورٹ کے مطابق اسرائیل کا اندازہ ہے کہ ایران 60 فیصد تک افزودہ یورینیم کی بڑی مقدار حاصل کرنے کے راستے پر ہے۔کئی ہفتوں سے 2015 کے مشترکہ جامع پلان آف ایکشن میں امریکا اور ایران کی واپسی پر مذاکرات معطل ہیں۔ تہران نے پاسداران انقلاب کو امریکی غیر ملکی دہشت گرد تنظیموں کی فہرست سے نکالنے پر اصرار کیا ہے۔
واشنگٹن نے ابھی تک اس درخواست کا باضابطہ طور پر جواب نہیں دیا ہے لیکن محکمہ خارجہ کے ترجمان نے گذشتہ ہفتے کہا تھا کہ امریکی صدرجو بائیڈن ایرانی پاسداران انقلاب کی قدس فورس کو دہشت گرد تنظیم سمجھتے ہیں۔ایک سفارتی ذریعے نے یہ بھی کہا کہ ایرانیوں نے ابھی تک امریکیوں اور ایرانیوں کے درمیان کسی سمجھوتے یا متبادل معاہدے کے لیے یورپی تجاویز میں سے کسی کو قبول نہیں کیا ہے۔ اس نے پاسداران انقلاب کو غیر ملکی دہشت گرد تنظیم سے نکالنے کو معاہدے تک پہنچنے کے لیے ایک ناگزیر شرط قرار دیا ہے۔
تصویر سوشل میڈیا