تل ابیب: ( اے یو ایس) سرائیل کی جنرل پراسیکیوٹر لیات بین آرے کا کہنا ہے کہ وزیر اعظم بنیامین نیتن یاہو نے ، جو دو شنبہ کو بدعنوانیوں کے الزامات میں ایک عدالت میں پیش ہوئے تھے،بڑے میڈیا گھرانوں کے ساتھ متبادل منفعت کی کوشش میں اپنے اختیارات کا “غیر قانونی” استعمال کیا۔
لیات کے مطابق وزیر اعظم نے خود کو حاصل وسیع حکومتی اختیار اسرائیل میں مرکزی ذرائع ابلاغ کے مالکان سے غیر مناسب طور پر فائدے کے واسطے استعمال کیا۔ اس کا مقصد اپنے ذاتی معاملات کو مضبوط بنانا تھا۔ ان پر بدعنوانی سے متعلق الزامات ہیں۔
نیتن یاہو پہلے حکومتی سربراہ ہیں جن کو منصب پر رہتے ہوئے سرکاری طور پر الزامات کا سامنا ہے۔ تاہم وہ خود پر عائد الزامات کی تردید کرتے ہیں۔یاد رہے کہ اسرائیل میں گذشتہ ماہ 23 مارچ کو پارلیمانی انتخابات کا انعقاد ہوا۔ یہ دو سال کے اندر ہونے والے چوتھے غیر فیصلہ کن انتخابات ہیں۔اس کے نتیجے میں اسرائیل کو درپیش سیاسی جمود کا عرصہ طویل ہو گیا۔حالیہ انتخابات میں دائیں بازو کی لیکوڈ پارٹی نے پارلیمنٹ کی 120 میں سے 30 نشستیں حاصل کر لیں۔
تاہم حکومتی اتحاد تشکیل دینے کے حوالے سے پارٹی کے سربراہ نیتن یاہو کی قدرت ابھی تک خطرات میں گھری ہوئی ہے۔ اسرائیلی قانون حکومت تشکیل دینے کے لیے 28 دن کی مہلت دیتا ہے۔ اس مہلت میں دو ہفتوں کا اضافہ کیا جا سکتا ہے۔ان پر ایک الزام یہ بھی ہے کہ انہوںنے ایک تاجر جوڑے سے ان کی نیوز ویب سائٹس پر ان کے حق میں زیادہ سے زیادہ مواد ڈالنے کے عوض لاکھوں ڈالر کا سودا کیا تھا۔
تصویر سوشل میڈیا