چین کے لئے بائیڈن بھی کسی خطرے سے کم نہیں،ڈریگن پر نئی پابندیاں عائد کر سکتے ہیں: تھنک ٹینک کا دعویٰ

بیجنگ:پوری دنیا پر سلطنت کا خواب دیکھنے والے چین کے لئے امریکہ کے نئے صدر کسی خطرے سے کم نہیں ہیں۔ اپنی توسیع پسندانہ پالیسیوں کے لئے دنیا کی نظروں میں کھٹک رہے چین کے ڈونالڈ ٹرمپ کسی برے خواب سے کم نہیں رہے۔اب اس کو امریکہ کے نئے صدر کی گدی سنبھالنے جارہے جو بائیڈن سے بھی خطرہ نظر آرہا ہے۔

چین کے ایک بڑے تھنک ٹینک کے مطابق ، بائیڈن انتظامیہ چین پر متعدد نئی پابندیاں عائد کرسکتی ہے ، جس سے اگلے سال بھی چین کی معیشت کو بڑا نقصان پہنچ سکتا ہے۔چین کے سنٹرل بنک کے سابق مشیر اور موجودہ تشنگھو یونیورسٹی کے پروفیسرڈیوڈ لی ڈوکئی نے ایک انٹرویو میں چینی حکومت کو وارننگ دی ہے کہ بائیڈن بھی ٹرمپ کی طرح چین کے بارے میں سخت موقف اختیار کرسکتے ہیں۔

انہوں نے بائیڈن انتظامیہ کے خطرات کو شمار کراتے ہوئے کہا کہ وہ امریکہ میں ایسی متعدد پالیسیاں نافذ کرسکتے ہیں جن سے چین کی صنعتوں کو براہ راست نقصان پہنچے گا۔ڈیوڈ لی ڈوکئی نے کہا کہ اگلا سال چین کی خارجہ پالیسی ، صنعت اور کمپنیوں کے لئے چیلنج ہوگا۔ تاہم اچھی بات یہ ہے کہ ٹرمپ انتظامیہ کے مقابلے میں بائیڈن انتظامیہ سے بات چیت کرنا آسان ہوگا۔

انہوں نے چینی حکومت کو وارننگ دی کہ ڈونالڈ ٹرمپ کا دور ابھی ختم نہیں ہوا ، وہ ابھی فٹ ہیں۔ ایسے میں ، وہ 2024 میں دوبارہ امریکہ کا صدر بننے کی کوشش کرسکتے ہیں۔ ڈوکئی نے کہا کہ چین کو اپنے ذہن سے یہ وہم دور کرنا چاہئے کہ اس کے بائیڈن انتظامیہ کے ساتھ تعلقات بہتر ہوں گے۔ انہوں نے حکومت کو مشورہ دیا کہ وہ واشنگٹن کے ساتھ سختی سے نمٹنے کے لئے خود کو تیار کرے۔

چین کے صوبہ شینزین میں ، ایڈوانسڈ گلوبل اور معاصر چین اسٹڈیز انسٹی ٹیوٹ کے ڈین ڈینگ یونگ نیان نے کہا کہ اب امریکہ اور چین کے مابین اچھے تعلقات کے دن گزر گئے ہیں۔ پچھلے کئی سالوں سے ، امریکہ چین کے ساتھ سرد جنگ کی تیاری کر رہا تھا اور یہ صورتحال راتوں رات پیدا نہیں ہوئی ہے۔ پھر بھی چینی حکومت کو امریکہ کے ساتھ تعلقات میں بہتری لانے کے لئے ہر ممکن کوشش کرنی چاہئے۔