سری نگر:(اے یو ایس)پولیس ذرائع کے مطابق جنوبی کشمیر کے قصبہ پلوامہ میں سلامتی دستوں اور انتہاپسندوں کے درمیان رات دیر گئے ہوئے مسلح تصادم میں لشکر طیبہ کا غیر مقامی کمانڈر سمیت تین جنگجو ہلاک ہو گئے۔ترجمان نے بتایا کہ پلوامہ منگل اور بدھ کی درمیانی رات ہونے والے اس مسلح تصادم اور بعد میں جنگجووں کے جاں بحق ہونے کی پولس نے ٹوئیٹر کے توسط سے اطلاع دی۔
پولیس نے اگر چہ فوری طور تینوں جاں بحق جنگجوﺅں کی شناخت نہیں کی تاہم بتایا کہ ان میں اعجاز عرف ابو ہریرہ نامی ایک لشکر کمانڈر بھی شامل ہے جو بقول پولیس پاکستان کا باشندہ تھا۔
اس سے قبل پولیس اور دیگر فورسز نے دوران شب پلوامہ قصبہ میں ایک مخصوص علاقے کا محاصرہ کر کے تلاشی آپریشن شروع کیا جس کے دوران طرفین کا آمنا سامنا اور گولیوں کا تبادلہ ہوا۔ گولیوں کے اسی تبادلے میں پولیس کے مطابق تین جنگجو جاں بحق ہوگئے۔پولیس کے مطابق جاں بحق جنگجوو¿ں کی تحویل سے ہتھیار اور گولہ بارود بر آمد ہوا ہے۔
تصویر سوشل میڈیا