جلپائی گوڑی: (اے یو ایس)مغربی بنگال کے جلپائی گوڈی ضلع کے مالبازار میں دریائے مال میں آنے والے سیلاب میں بہہ جانے والے درجنوں میں سے 8 کی موت ہو گئی، جبکہ متعدد لاپتہ ہیں۔ اطلاعات کے مطابق لاپتہ ہونے والوں کی تعدادتقریباً 40 ہے۔لیکن جلپائی گوڈی ڈسٹرکٹ مجسٹریٹ مومیتا گودارا باسو نے7 افراد کے ہلاک ہونے کی تصدیق کی ہے۔انہوں نے مزیدکہا کہ مقامی لوگ درگا دیوی کی مورتیوں کے وسرجن کے لیے رات نو بجے ندی کے کنارے جمع ہوئے تھے لیکن اچانک سیلاب آنے کی وجہ سے ان میں سے بہت سے افراد پانی میں بہہ گئے۔ انتظامیہ نے فوری طور پر وہاں مورتیوں کا وسرجن روک دیا۔
بدھ کی شام تک 4 لاشیں نکالی جا چکی تھیں۔جلپائی گوڈی ضلع کے پولیس سپرنٹنڈنٹ دیورشی دتا نے کہا کہ ابتدائی طور پر صرف دو لاشیں نکالی گئی تھی اور ریسکیو آپریشن شروع کئے جانے کے بعد مزید 5 لاشیں نکالی گئیں۔ دتا نے کہا کہ ‘ریسکیو آپریشن ضلع پولیس، ریاستی ڈیزاسٹر مینجمنٹ ڈیپارٹمنٹ اور نیشنل ڈیزاسٹر ریسپانس فورس کی ٹیموں کے ذریعے چلایا گیا۔” تاہم ریاستی پولیس ذرائع نے بتایا کہ شام کے اوقات کی وجہ سے ریسکیو ٹیم کو امدادی کارروائیوں میں مشکلات کا سامنا کرنا پڑ ا۔ مال اسمبلی حلقہ کے مقامی ترنمول کانگریس ایم ایل اے بُلو چِک باریک نے کہا کہ انتظامیہ کے علاوہ مقامی لوگوں نے بھی بچا¶ ٹیم سے تعاون کیا۔
تصویر سوشل میڈیا