کوالالمپور:(ا ے یو ایس)ملائیشیااہم صنعتوں میں مقامی مزدوروں کی کمی کے پیش نظراب غیرملکی کارکنوں کی بھرتی کا عمل تیز کررہا ہے۔ملائشیا کے وزیرداخلہ سیف الدین ناسوتیون بن اسماعیل نے منگل کے روز صحافیوں کوبتایا ہے کہ غیرملکی کارکنوں کی خدمات حاصل کرنے میں تیزی لانے کے لیے صنعتوں کا کوٹاختم کر دیا جائے گا۔انھوں نے مزیدبتایا کہ آجروں کو اب 15ممالک سے غیر ملکی کارکنوں کی خدمات حاصل کرنے سے پہلے کوٹاکی حد اور”دیگر شرائط“پر عمل کرنے کی ضرورت نہیں ہے۔
انھوں نے کہا کہ یہ عارضی استثنا ایک سال تک محدود ہے اوراس کا اطلاق صرف نئی درخواستوں پرہوگا۔جنوب مشرقی ایشیا میں واقع مسلم اکثریتی ملائشیاملازمتوں میں تیزی لارہا ہے۔وزارت داخلہ نے انسانی وسائل کی وزارت سے بھرتیوں کا عمل سنبھال لیا ہے۔2022 میں ملائیشیا نے ملازمتوں کے لیے موصول ہونے والی کل 16 لاکھ درخواستوں میں سے صرف 676،070 کی منظوری دی تھی۔
تصویر سوشل میڈیا