سری نگر:(اے یو ایس)پی ڈی پی صدر اور سابق وزیر اعلیٰ محبوبہ مفتی کا دعویٰ ہے کہ انہیں شوپیاں کے چھوٹی گام میں ایک کشمیری پنڈت سنیل کمار بھٹ کے ،جو حال ہی میں دہشت گردانہ حملہ میں مارے گئے، اہل و عیال سے اتوار کے روز تعزیت کرنے ان کے گھر شوپیان جانے سے روکنے کے لیے خانہ نظر بند رکھا گیا۔انہوں نے اپنے اس دعوے کے ثبوت میں اپنے گھر پر لگے تالے اور باہر تعینات سی آر پی ایف گاڑی کی تصویریں بھی سوشل میڈیا پر جاری کی ہیں۔
انہوں نے یہ باتیں اتوار کو اپنے ایک ٹویٹ میں لکھا کہ مجھے خانہ نظر بند رکھا گیا کیونکہ میں شوپیاں ایک کشمیری پنڈت جس پر حال ہی میں حملہ ہوا، کے گھر جانا چاہتی تھی‘۔انہوں نے کہا:’آج چھوٹی گام میں سنیل کمار کے اہل خانہ سے ملنے کی میری کوشش کو انتظامیہ نے ناکام بنا دیا‘۔
اُن کے مطابق ایڈمنسٹریشن دعویٰ کر رہی ہے کہ نظر بندی کا فیصلہ لیڈران کی حفاظت کو دھیان میں رکھ کر لیا جاتا ہے لیکن وہ خود پوری وادی کا دورہ کرتے پھر رہے ہیں‘۔اُنہوں نے مزید کہا:’حکومت ہند کی ان ہی پالیسیوں کی وجہ سے ہی آج کشمیری پنڈتوں کو یہ دن دیکھنے پڑ رہے ہیں‘۔واضح ہو کہ16اگست کو شوپیاں میں دہشت گردوں نے سنیل کمار بھٹ کو گولی مار کر ہلاک کر دیا تھا۔
تصویر سوشل میڈیا