واشنگٹن:(اے یو ایس ) ناسا کے دو خلابازوں نے بین الاقوامی خلائی سٹیشن کی مرمت کا کام شروع کر دیا ہے۔ اس سلسلے میں دونوں ہفتے میں دو دو بار خلائی اسٹیشن سے باہر نکل کر اس کی مرمت کریں گے اور نئے آلات نصب کریں گے۔
ناسا کی میڈیا ایڈوائزری کے مطابق پہلی دو ’اسپیس واک‘ بدھ کے روز کی گئیں جب دونوں خلابازوں نے یورپی ا سپیس ایجنسی کے کولمبس موڈیول میں بارٹولومیو سائنس پے لوڈ پلیٹ فارم انسٹال کیں۔ اسپیس واک کے دوران خلابازا سٹیشن کے کیمرے بھی تبدیل کر کے ہائی ڈیفینیشن کیمرے بھی نصب کریں گے۔ اس کے علاوہ بہتر مواصلات کے لیے انٹینا، کیبل اور ہائی بینڈ وڈتھ لنک بھی لگائیں گے جو یورپی گراؤنڈ سٹیشنز کے لیے کارآمد ہو گا۔
بارٹولومیو پلیٹ فارم پچھلے سال ا سپیس اسٹیشن پر پہنچایا گیا تھا۔ناسا کے فلائٹ انجنئیر، مائیکل ہاپکنز جو اس سے پہلے بھی دو بارا سٹیشن سے باہر خلا میں جا چکے ہیں اور ان کے ساتھ وکٹر گلوور بدھ کے روز خلا میں ساڑھے چھ گھنٹے کے لیے جائیں گے۔دوسری ’اسپیس واک‘ یکم فروری کو کی جائے گی جب بیٹری کی تبدیلی کا کام ہو گا۔
اس کے علاوہ پرانے کیمرے نئے ہائی ڈیفینشن کیمروں سے تبدیل کئے جائیں گے۔ اس کے علاوہ کیبو موڈیول کے باہر روبوٹک بازوو¿ں میں کیمروں اور لائٹ کو بھی اپ گریڈ کیا جائے گا۔ناسا یہ دونوں اسپیس واکس اپنی ویب سائٹ پر نشر کرے گا۔اس مشن کے لیے خلاباز ایک سال سے تربیت لے رہے تھے۔پچھلے 20 برسوں میں 19 ممالک سے 242 افراد خلائی ا سٹیشن کا دورہ کر چکے ہیں، جہاں اب تک 3 ہزار سے زائد سائنسی تحقیقات کی جا چکی ہیں۔
تصویر سوشل میڈیا