پاکستان نے ضبط طیارے کا ٹھیکرا نواز حکومت پر پھوڑا، پی آئی اے کی برطانیہ اور ملیشیا کی عدالت میں پیشی

اسلام آباد: ملیشیا میں پاکستان انٹرنیشنل ایر لائنز(پی آئی اے) کے ضبط کئے گئے طیارے کے معاملے میں پاکستان انٹرنیشنل ایئر لائن (پی آئی اے) کے اہلکار 22 جنوری کو یو کے اور 24 جنوری کو ملائیشیا کی عدالت میں پیش ہوں گے۔

پاکستان کے ہوا بازی وزیر غلام سرور خان نے بتایا کہ لیز کی باقی رقم ادا نہ کرنے کی وجہ سے پی آئی اے کے اس طیارہ کو جمعہ کو ملیشیاکے دارالحکومت کوالالمپور کے ہوائی اڈے پر یہ طیارہ قبضہ میں لیا گیا تھا۔

پکڑے گئے طیارے کو 2015 میں ویتنام کی ایک کمپنی سے لیز پر لیاگیا تھامیڈیا سے بات کرتے ہوئے ، ہوا بازی کے وزیر نے کہا کہ ملائشیا کی عدالت نے پی آئی اے کو صفائی پیش کرنے کا موقع دیے بغیر یکطرفہ فیصلہ سنادیا جو کہ غلط ہے۔انہوں نے طیارے کی لیز کے معاملہ پر پیدا ہونے والی اس صورتحال کے لئے سابقہ مسلم لیگ نواز حکومت کو مورد الزام ٹھہرایا۔

کہا جاتا ہے کہ سابقہ حکومت نے زیادہ رقم میں لیز پر دو طیارے لئے تھے۔ اس کے نتائج موجودہ حکومت کو بھگتنے پڑ رہے ہیں۔انہوں نے کہا کہ ملک میں کورونا وائرس کی وجہ سے بقایا واجبات کی ادائیگی نہیں ہوسکی ہے ، جس کی وجہ سے یہ طیارہ کوالالمپور میں روک لیا گیا۔ پی آئی اے نے ٹویٹر پر ایک بیان جاری کر کہا ہے کہ ملیشیا کی عدالت نے اس کے طیارے کے بارے میں یکطرفہ فیصلہ سنایا حالانکہ اس کا معاملہ پہلے ہی برطانوی عدالت میں زیر سماعت ہے۔ اس کی وجہ سے ، مسافروں کو بے وجہ پریشان ہونا پڑا۔

آخر کار ان کے لئے متبادل انتظامات کیے گئے اور انھیں ان کے مقام تک پہنچایا گیا۔ معلومات کے مطابق ، زیادہ تر مسافر اتوار کے روز دبئی کے راستے ہوتے ہوئے پاکستان پہنچ گئے۔ پی آئی اے کے ترجمان کے مطابق ، ایئر لائن کے وکیل کیس سے متعلق دستاویزات کو لے کر کوالالمپورپہنچ گئے ہیں۔