کھٹمنڈو: نیپال نے بدھ کے روز ہندوستان سے 10 لاکھ کورونا ویکسین کی خوراک کا تحفہ وصول کرنے کے بعد ملک میں ویکسی نیشن شروع کر دی۔پہلے مرحلے میں یہاں صحت سے متعلق کارکنوں سمیت تمام فرنٹ لائن کارکنان کو قطرے پلائے جارہے ہیں۔ کورونا ویکسین کا یہ تحفہ وصول ہو نے کے بعد ہندوستان کے خلاف کارروائی کی وجہ سے سرخیوں میں رہنے والے نیپالی وزیر اعظم کے پی شرما اولی کے سر بھی بدلے نظر آرہے ہیں ۔
انہوں نے اس تحفے کے لئے ہندوستان اور وزیر اعظم نریندر مودی کا شکریہ ادا کیا ہے۔ واضح رہے کہ چین کے کہنے پر ہندوستان کے خلاف کارروائی کرنے والے اولی کو ویکسین کے معاملے میں ڈریگن نے دھوکہ دیا ہے اور نیپال کو وہاں سے ایک بھی خوراک نہیں بھیجی گئی ہے۔اولی نے کہا کورونا ویکسین دینے کے لئے میں پڑوسی حکومت ہند ، ہندوستان کے عوام اور خاص طور پر وزیر اعظم مودی کا شکریہ ادا کرتا ہوں۔ انہوں نے ہندوستان میں ویکسی نیشن شروع ہونے کے ایک ہفتہ کے اندر 10 لاکھ خوراکوں کا تحفہ بھیجا ہے
، اولی نے بدھ کے روز ویڈیو کانفرنسنگ کے ذریعے ویکسی نیشن مہم کا افتتاح کیا۔ 3 کروڑ کی آبادی والے ملک میں اب تک 2 لاکھ 70 ہزار سے زیادہ افراد انفیکشن کی زد میں آ چکے ہیں اور 2 ہزار سے زیادہ افراد فوت ہوچکے ہیں۔عہدیداروں کے مطابق نیپال میں تقریبا 4 لاکھ 30 ہزار فرنٹ لائن کارکن ہیں ، جن میں صحت سے متعلق کارکن ، ہسپتالوں میں کام کرنے والے دوسرے ملازمین ، کمیونٹی ہیلتھ ورکرز ، سکیورٹی اہلکار ، جھاڑو دینے والے ، بڑھاپے میں رہنے والے بزرگ شامل ہیں۔
ملک بھر کے تمام 65 اضلاع میں ویکسی نیشن شروع کردی گئی ہے۔ گذشتہ ہفتے ہی ہندوستان نے نیپال کو کورونا ویکسین کی10لاکھ خوراکیں فراہم کی ہیں۔ یہ ویکسین آکسفورڈ آسٹرا زینیکا اور سیرم انسٹی ٹیوٹ آف انڈیا نے تیار کی ہیں۔
تصویر سوشل میڈیا